Seksen 117
Revelesen we Lod i givim tru long Profet Josef Smit, long Fa Wes, Misuri, long 8 Julae 1838, long saed blong ol diuti we Wiliam Maks, Niuwel K. Witni, mo Oliva Granja, oli mas tekem kwiktaem.
1–9, Ol wokman blong Lod oli no mas wantem ol samting we i blong wol ia, from we “?wanem propeti nao i impoten long Lod?”; 10–16, Oli mas livim fogud fasin blong gat smol maen long sol, mo sakrifaes blong olgeta bae i tabu long Lod.
1 I tru, olsem ia nao Lod i talem long wokman blong mi, Wiliam Maks, mo tu, long wokman blong mi, Niuwel K. Witni, yutufala i stretem bisnis blong yutufala kwiktaem mo travel aot long graon blong Ketlan, bifo we mi, Lod, mi sendem bakegen sno i kam long wol.
2 Yutufala i wekap, mo girap, mo kamaot, mo no stastap, from we mi Lod, mi givim oda from.
3 From hemia, sapos yutufala i stastap, bae i no gud tumas long yutufala.
4 Yutufala i mas sakem evri sin blong yutufala, mo evri tingting blong griri blong yutufala, long fored blong mi, Lod i talem; ?from we wanem apropeti nao i impoten long mi? Lod i askem.
5 Yutufala i mas salem ol propeti long Ketlan blong pemaot ol akaon, Lod i talem. Yutufala i go, Lod i talem, mo wanem we i stap, bae i mas stap long han blong yutufala, Lod i talem.
6 From we, ?olsem wanem? ?Mi mi no gat ol pijin long heven, mo tu, ol fis blong solwota, mo ol wael animol blong ol bigfala hil? ?Mi mi no mekem wol ia? ?Mi mi no holem afiuja blong evri ami blong ol nesen blong wol?
7 From hemia, ?bae olsem wanem? ?Bae mi no mekem ol ples we oli astap nating oli mekem niu sut mo givim flaoa, mo blong oli givim kaekae we i fulap? Lod i askem.
8 ?Olsem wanem? ?I no gat inaf rum long ol bigfala hil blong aAdam-ondi-Aman, mo long ol flat ples blong Olaha bSineha, o dgraon we Adam i bin stap laef long hem, mekem se yu wantem tumas wanem we i smol tumas, mo yu no tingting nating long ol samting we oli moa impoten?
9 From hemia, yutufala i mas kam long ples ia, long graon blong ol pipol blong mi, we i Saeon.
10 Wokman blong mi, Wiliam Maks i mas stap afetful long sam samting, mo bae hem i wan man blong rul ova long plante samting. Bae hem i mas prisaed long medel blong ol pipol blong mi long siti ia blong Fa Wes, mo mi mas blesem hem wetem ol blesing we mi givim tu long ol pipol blong mi.
11 Wokman blong mi, Niuwel K. Witni i mas sem long agrup blong Nikolas mo evri bsikret rabis sin blong olgeta, mo i mas sem long evri fasin blong gat smol maen long sol long fored blong mi, Lod i talem; mo hem i mas kam long graon long Adam-ondi-Aman, mo hem i mas stap olsem wan dbisop long ol pipol blong mi, Lod i talem, i no long nem nomo, be long aksen, Lod i talem.
12 Mo bakegen, mi talem long yufala, mi tingbaot wokman blong mi, aOliva Granja; luk, i tru mi talem long hem se nem blong hem, bae oli tingbaot se hem i tabu, long wan jeneresen i go long narafala jeneresen, blong oltaem mo oltaem, Lod i talem.
13 From hemia, hem i mas traehad strong blong pemaot kaon blong Fas Presidensi blong Jos blong mi, Lod i talem; mo taem hem i foldaon, bae hem i girap bakegen, from asakrifaes blong hem bae i moa tabu long mi bitim eni gud wok blong hem, Lod i talem.
14 From hemia, hem i mas kam long ples ia kwiktaem, long graon blong Saeon; mo long stret taem, bae hem i kam wan bisnisman we i wok long nem blong mi, Lod i talem, blong gud blong ol pipol blong mi.
15 From hemia, man i no mas tingting nating long wokman blong mi, Oliva Granja, be ol blesing blong ol pipol blong mi oli mas blong hem tu, blong oltaem mo oltaem.
16 Mo bakegen, i tru mi talem long yufala, evri wokman blong mi long graon blong Ketlan oli mas tingbaot Lod, God blong olgeta, mo haos blong mi tu, blong oli mas kipim mo mas holem i stap tabu, mo blong oli mas sakemaot ol man we oli wantem winim mane, long taem we i stret long mi, Lod i talem. I olsem. Amen.