Seksen 41
Revelesen we God i givim, tru long Profet Josef Smit, i go long Jos, long Ketlan, Ohaeo, long 4 Febwari 1831. Revelesen ia i givim instraksen long Profet mo ol elda blong Jos blong prea blong kasem “loa” blong God (luk long seksen 42.) Josef Smit i aot long Niu Yok mo jes kasem Ketlan, mo Leman Kopli, wan memba blong Jos kolosap long Tompson, Ohaeo, “i askem se bae Brata Josef mo Sidni [Rigdon] … i stap laef wetem hem, mo bae hem i givim ol haos mo ol samting.” Revelesen we i kam afta ia, i mekem i klia wea nao Josef mo Sidni, tufala i mas stap laef long hem, mo tu, i askem Edwod Patrij blong stap olsem fas bisop blong Jos.
1–3, Ol elda bae oli lidim Jos tru long spirit blong revelesen; 4–6, Ol tru disaepol bae oli kasem mo obei loa blong Lod; 7–12, Lod i putum Edwod Patrij olsem wan bisop long Jos.
1 Lisin gud mo harem, O yufala ol pipol blong mi, Lod mo God blong yufala i talem, yufala we mi glad tumas blong ablesem yufala wetem blesing ia we i moa bigwan long evri blesing, yufala we i stap harem mi; mo yufala we i no harem mi, bae mi sakem wan bstrong nogud tok long yufala we yufala i bin dtoktok agensem nem blong mi, wan strong nogud tok we i moa bigwan long evri strong nogud tok we man i save sakem.
2 Lisin gud, O yufala, ol elda blong jos blong mi, we mi bin singaotem yufala, luk, mi givim wan komanmen long yufala, blong yufala i kam tugeta blong aagri long wanem toktok we mi talem;
3 Mo tru long prea blong fet, bambae yufala i kasem aloa blong mi, blong yufala i save olsem wanem blong lidim jos blong mi, mo mekem evri samting long oda long fored blong mi.
4 Mo bae mi mi arul ova long yufala long taem we bae mi bkam; mo luk, mi kam kwiktaem, mo bambae yufala i mas mekemsua se oli obei loa blong mi.
5 Hem we i aakseptem loa blong mi mo i bmekem samting folem, hem ia, hem i disaepol blong mi; mo hem we i talem se hem i akseptem loa ia, mo i no mekem samting folem, hem ia, hem i no disaepol blong mi, mo oli mas dsakemaot hem long medel blong yufala;
6 From hem i no stret blong givim ol samting we i blong ol pikinini blong kingdom i go long olgeta we oli no klin inaf, o i go long ol adog; o i no stret blong sakem ol bperel i go long ol pig.
7 Mo bakegen, hem i stret se wokman blong mi, Josef Smit Junia, i mas gat ahaos we oli bildim blong hem, we bambae hem i stap long hem mo bambae i mekem btranslesen.
8 Mo bakegen, hem i stret se wokman blong mi, Sidni Rigdon, i mas laef olsem we hem i luk se i stret long hem, hemia nomo sapos hem i stap obei long ol komanmen blong mi.
9 Mo bakegen, mi bin singaotem wokman blong mi, aEdwod Patrij; mo mi givim wan komanmen, se voes blong jos bae i jusum hem, mo odenem hem i kam bbisop blong jos, mo hem i mas livim bisnis blong hem mo dspenem ful taem blong hem long ol wok blong jos;
10 Blong hem i mas mekemsua se hem i lukaotem evri samting we bambae mi givim long hem blong mekem folem ol loa blong mi, mo folem taem we bambae mi givim olgeta.
11 Mo hemia, from we hat blong hem i klin evriwan long fored blong mi, from hem i olsem aNataniel blong bifo, we i no gat bfasin blong no stap ones.
12 Ol toktok ia, mi givim long yufala, mo oli klin evriwan long fored blong mi; taswe, lukaot long fasin we yufala i lukluk long olgeta, from we sol blong yufala bae i ansa long ol toktok ia long dei blong jajmen. I olsem. Amen.