Seksen 129
Ol tijing we Profet Josef Smit i bin givim long Nauvu, Ilinoa, long 9 Febwari 1843, we i talemaot ol trifala stamba ki we bae oli luksave huia stret ol givhan enjel mo spirit.
1–3, I gat ol bodi we oli laef bakegen, mo ol spirit bodi long heven; 4–9, Josef Smit i givim ol ki, we tru long olgeta, oli luksave ol mesenja we oli kam long narasaed blong vel.
1 I gat tufala kaen man long aheven, we oli: Ol benjel, we oli olgeta we oli dlaef bakegen long ded, mo oli gat ol bodi blong mit mo bun—
2 Olsem, Jisas i bin talem: “Yufala i luk han blong mi mo leg blong mi. Mi nomo ya. Yufala i pusum han blong yufala, yufala i tajem mi, nao bambae yufala i haremsave. Spirit blong man i no gat amit mo bun blong hem, olsem we yufala i save luk we mi mi gat.”
3 Sekenwan: ol aspirit blong ol man we oli bstret we God i mekem olgeta i stret gud evriwan, olgeta ia we oli no laef bakegen long ded, be oli kasem semfala glori ia.
4 Taem wan mesenja i kam mo i talem se hem i gat wan mesej we i kam long God, stretem han blong yu mo askem hem blong hem i sekhan long yu.
5 Sapos hem i wan enjel, bae hem i sekhan long yu, mo bae yu filim han blong hem.
6 Sapos hem i spirit blong wan man we i stret mo God i mekem hem i kam stret evriwan, bae hem i kam long glori blong hem; from long wei ia nomo hem i save kamaot long man—
7 Askem hem blong sekhan wetem yu, be bae hem i no muv, from se hem i agensem oda blong heven blong wan stret man i giaman; be yet, bae hem i talemaot mesej blong hem.
8 Sapos hem i adevel we i olsem wan enjel blong laet, taem yu askem hem blong sekhan long yu, bae hem i sekhan long yu mo bae yu no filim han blong hem; olsem ia nao bae yu faenemaot hem.
9 Hemia nao ol tri stamba ki we tru long olgeta bae yu save sapos wan samting i kam long God o no.