Seksen 30
Revelesen we God i givim tru long Profet Josef Smit i go long Deved Witma, Pita Witma Junia, mo Jon Witma, long Feyet, Niu Yok, long Septemba 1830, folem wan konfrens we i bin tekem ples blong tri dei, be i bin hapen bifo ol elda blong Jos oli bin go wanwan. Oli bin printim revelesen ia long fas taem olsem tri revelesen; Profet i bin putum olgetatri oli kam wan seksen taem oli mekem edisen blong Doktrin mo Ol Kavenan long yia 1835.
1–4, Lod i bin tok strong long Deved Witma from hem i no bin stap wok strong wetem strong tingting blong givim seves; 5–8, Pita Witma Junia i mas go wetem Oliva Kaodri long wan misin long ples blong Ol Man blong Leman; 9–11, Lod i singaotem Jon Witma blong prijim gospel.
1 Luk, mi talem long yu, aDeved, se yu bin bfraet long man mo yu no bin ddipen long mi blong mi givim paoa long tingting mo spirit blong yu olsem we yu sapos blong mekem.
2 Be tingting blong yu i bin stap long ol samting blong awol ia moa bitim we i bin stap long ol samting we i blong mi, mi ia we mi Meka blong yu, mo seves ia we mi bin singaotem yu long hem; mo yu no bin folem gud Spirit blong mi, mo olgeta ia we mi putum we oli moa hae long yu, be olgeta we mi no givim wok long olgeta oli bin winim tingting blong yu.
3 Taswe, yu mas askem long mi blong yuwan, mo yu mas atingting hevi long ol samting we yu bin kasem.
4 Mo hom blong yu bae i mas stap long haos blong papa blong yu, kasem taem we mi givim sam moa komanmen long yu. Mo bae yu mas go mekem aseves blong yu insaed long jos, mo long fored blong wol, mo long ol eria we oli stap raonabaot. Amen.
5 Luk, mi talem long yu aPita, se bambae yu tekem brod ia blong yu, wetem brata blong yu, Oliva; from dtaem ia i kam we i stret long mi, blong bae yu openem maot blong yu blong talemaot gospel blong mi; from hemia, no fraet, be efolem gud ol toktok mo advaes blong brata blong yu, we bambae hem i givim long yu.
6 Mo bambae yu harem nogud long evri hadtaem blong hem, mo oltaem stap talemaot hat blong yu long mi tru long prea mo wetem fet, blong mekem se yu mo hem, yutufala i sef; from we mi bin givim hem paoa blong bildimap ajos blong mi long medel blong Ol bMan blong Leman;
7 Mo i no gat wan we mi bin jusum olsem kaonsela we i ahae moa long hem insaed long jos, hemia long saed blong ol samting blong jos, be brata blong hem nomo, Josef Smit Junia.
8 Taswe, folem gud ol samting ia mo wok strong wetem strong tingting blong stap obei long ol komanmen blong mi, mo bambae mi blesem yu wetem laef we i no save finis. Amen.
9 Luk, mi talem long yu, wokman blong mi, Jon, se bae yu stat, stat long naoia i go blong atalemaot gospel blong mi olsem bvoes blong wan pupu.
10 Mo wok blong yu bae i stap long ples blong brata Filip Boro, mo long eria we i stap raonabaot, yes, long weaples we oli save lisin long yu, kasem taem we mi givim oda long yu blong kamaot long ples ia.
11 Mo ful wok blong yu bae i blong Saeon, wetem ful sol blong yu, stat long taem naoia i go; yes, oltaem yu mas openem maot blong yu from wok blong mi, mo yu no afraet long wanem we bman i save mekem, from we mi mi stap dwetem yu. Amen.