Seksen 99
Revelesen we Lod i bin givim tru long Profet Josef Smit, i go long Jon Medok, long 29 Ogis 1832, long Haeram, Ohaeo. Blong ova wan yia, Jon Medok i bin stap prijim gospel taem we ol pikinini blong hem—we oli no gat mama afta we waef blong Jon, Julia Klap i ded long Epril 1831—oli stap wetem ol nara famli long Ohaeo.
1–8, Lod i singaotem Jon Medok blong talemaot gospel, mo olgeta we oli akseptem hem, bae oli akseptem Lod mo bae oli kasem sore blong hem.
1 Luk, Lod i talem long wokman blong mi, Jon Medok—mi singaotem yu blong go long ol kantri long Is, long wan haos i go long narafala haos, long wan vilej i go long narafala vilej, mo long wan siti i go long narafala siti, blong talemaot gospel blong mi we i no gat en i go long ol pipol we oli stap laef long ol ples ia, long medel blong ol fasin blong agivim hadtaem mo fasin nogud.
2 Mo huia i aakseptem yu, i akseptem mi; mo bae yu gat paoa blong talemaot toktok blong mi wetem fasin blong bsoemaot Tabu Spirit blong mi.
3 Mo huia, aolsem wan pikinini, i akseptem yu, i akseptem bkingdom blong mi; mo mi blesem olgeta, from we bae oli kasem dsore.
4 Mo huia i asakemaot yu, Papa blong mi mo haos blong hem bae i sakemaot hem; mo bae yu mas klinim bleg blong yu long ol sikret ples, olsem wan testemoni agensem olgeta.
5 Mo luk, mo luk gud, mi akam kwiktaem blong mekem bjajmen, blong winim tingting blong evri man long saed blong ol wok blong olgeta we i no folem fasin blong God, we oli bin mekem agensem mi, olsem we oli raetem abaot mi long buk blong ol skripja.
6 Mo naoia, i tru, mi talem long yu, se i no stret blong yu go, be kasem taem nomo we yu lukluk long ol pikinini blong yu, mo sendem olgeta wetem gud fasin i go long bisop blong Saeon.
7 Mo afta sam yia, sapos yu wantem askem mi, bae yu save go antap tu long gudfala graon, blong kasem samting we yu gat raet long hem;
8 Sapos no, bae yu mas gohed blong talemaot gospel blong mi akasem taem we mi tekemaot yu. Amen.