Seksen 103
Revelesen we Lod i bin givim tru long Profet Josef Smit, long Ketlan, Ohaeo, long 24 Febwari 1834. Josef Smit i bin kasem revelesen ia afta we Parli P. Prat mo Liman Waet i kasem Ketlan, Ohaeo, we tufala i kam long Misuri blong toktok wetem Profet long saed blong help mo wok blong putumbak olgeta Sent long graon blong olgeta long Jakson Kaonti.
1–4, From wanem Lod i bin letem blong olgeta Sent long Jakson Kaonti oli kasem hadtaem; 5–10, Olgeta Sent bae oli win sapos oli obei long ol komanmen; 11–20, Fasin blong pemaot Saeon bae i kam tru long paoa, mo Lod bae i go long fored blong ol pipol blong Hem; 21–28, Olgeta Sent oli mas kam wanples long Saeon, mo olgeta we oli givim laef blong olgeta, bae oli faenem laef blong olgeta bakegen; 29–40, Lod i singaotem sam brata blong oganaesem Kamp blong Saeon mo go long Saeon; Lod i bin promesem olgeta se bae oli win sapos oli stap fetful.
1 I tru, mi talem long yufala, ol fren blong mi, luk, bae mi givim wan revelesen mo komanmen long yufala, blong yufala i save olsem wanem blong mekem taem we yufala i amekem ol diuti blong yufala long saed blong fasin blong mi sevem man mo blong mi bpemaot ol brata blong yufala, we ol enemi i bin ronemaot olgeta olbaot long graon blong Saeon;
2 we han blong ol enemi blong mi i bin afosem mo kilim olgeta, mo we bae mi kapsaetem bigfala nogud kros blong mi we i no gat stop long hem, long taem blong mi.
3 From we mi bin letem olgeta longtaem finis olsem, blong oli save ago kasem mak blong ol rabis fasin blong olgeta, blong mekem se kap blong olgeta i fulap;
4 Mo olgeta ia we oli stap singaotem olgeta folem nem blong mi, bae mi apanisim olgeta blong wan smol taem wetem wan panismen we i mekem man i harem nogud mo i bigfala, from se oli no bin bmekem folem fulwan ol tijing mo ol komanmen we mi bin givim long olgeta.
5 Be, i tru mi talem long yufala, se mi bin talem wan toktok wetem atoriti we ol pipol blong mi oli mas luksave, folem hamas we oli mekem folem stat long aoa ia, long atoktok we mi, Lod God blong olgeta, bae mi givim long olgeta.
6 Luk, from we mi talem wetem atoriti, bae oli mas stat blong win agensem ol enemi blong mi stat long aoa ia i go.
7 Mo taem oli alukaot gud blong obei long evri toktok we mi, Lod God blong olgeta, bae mi talem long olgeta, bae oli neva stop blong win kasem taem we bambae mi wokbaot antap ol bkingdom blong wol ia, mo wol ia bae mi dgivim long olgeta esent, blong oli ftekem blong olgeta blong oltaem mo oltaem.
8 Be folem hamas we oli no aobei long ol komanmen blong mi, mo oli no lukaot gud blong obei long evri toktok blong mi, ol kingdom blong wol ia bae oli win agensem olgeta.
9 From we mi bin putum olgeta blong oli wan alaet long wol, mo blong oli ol sevya blong ol man;
10 Mo folem hamas we bae oli no ol sevya blong ol man, oli olsem asol we i lusum tes blong hem, mo stat long taem ia i go, bae i gud blong nating, be blong oli sakem mo man i purumbut antap wetem leg blong olgeta.
11 Be i tru, mi talem long yufala, mi bin talem wetem atoriti se ol brata blong yufala we ol enemi i bin ronemaot olgeta oli go olbaot, oli mas kambak long agraon we oli gat raet long olgeta, mo bae oli bildimap ol emti ples blong Saeon.
12 From afta long aplante hadtaem, olsem we mi bin talem long yufala finis long wan komanmen, bae blesing i kam.
13 Luk, hemia nao blesing we mi bin promesem yufala afta long ol hadtaem blong yufala, mo ol hadtaem blong ol brata blong yufala—bae mi pemaot yufala, mo bae mi pemaot ol brata blong yufala, folem fasin blong putumbak olgeta long graon blong Saeon, mo bae mi stanemap olgeta, mo bae ol enemi blong Lod bae oli nomo save win.
14 Be, sapos ol brata blong yufala oli mekem ol ples we oli gat raet long olgeta oli doti, bae ol enemi blong Lod i winim olgeta; from we bae mi no sore long olgeta sapos oli mekem ol ples we oli gat raet long olgeta oli doti.
15 Luk, mi talem long yufala, fasin blong pemaot Saeon i nid blong i mas kam tru long paoa;
16 From hemia, long ol pipol blong mi bae mi mekem wan man i girap, we bae i lidim olgeta olsem we aMoses i bin lidim ol pikinini blong Isrel.
17 From we yufala i ol pikinini blong Isrel, mo yufala i blong alaen blong Ebraham, mo yufala i nid blong oli mas lidim yufala aot long fasin blong stap slef tru long paoa, mo tru long han we oli stretemaot.
18 Mo olsem we Moses i bin lidim ol papa blong yufala long fas taem, bae i semmak long taem blong pemaot Saeon.
19 From hemia, tingting long hat blong yufala i no mas foldaon, from we mi no talem long yufala olsem we mi bin talem long ol papa blong yufala: “aEnjel ia blong mi bambae i go fastaem long yufala, be mi, bae mi no bstap.”
20 Be mi talem long yufala: “Ol aenjel ia blong mi bambae oli go fastaem long yufala, mo mi tu bae mi go, mo long stret taem, bae yufala i btekem gudfala graon ia.”
21 I tru, i tru, mi talem long yufala, se wokman blong mi, Josef Smit Junia i aman ia we mi makem hem olsem wokman we Lod blong bplantesen i bin toktok long hem, hemia long parabol we mi bin givim long yufala.
22 From hemia, wokman blong mi, Josef Smit Junia i mas talem long amanpaoa blong haos blong mi, ol yangfala man blong mi mo ol medelman: “Yufala i kam wanples long graon blong Saeon, long graon ia we mi bin pem wetem mane we oli bin givim long mi.”
23 Ol kongregesen blong jos oli mas sendem ol waes man wetem mane blong olgeta, mo oli apem ol graon olsem we mi bin givim oda from.
24 Mo folem hamas we ol enemi blong mi oli kam agensem yufala blong ronemaot yufala long gudfala agraon blong mi, we mi bin konsekretem blong stap olsem graon blong Saeon, mo tu, long ol graon blong yufala folem ol pruf we yufala i bin tekem long fored blong mi agensem olgeta, bae yufala i sakem wan strong nogud tok long olgeta;
25 Mo huia bambae yufala i sakem wan strong nogud tok long hem, bae mi sakem wan strong nogud tok long hem, mo bae yufala i mekem ol enemi blong mi oli pembak mi.
26 Mo bambae mi stap wetem yufala long taem we yufala i mekem ol enemi blong mi oli apembak mi, i go kasem nambatri mo nambafo jeneresen blong olgeta ia we oli no laekem mi nating.
27 Man i no mas fraet blong givim laef blong hem from mi; from we huia i agivim laef blong hem from mi, bambae hem i faenem bakegen,
28 Mo huia i no wantem blong givim laef blong hem from mi, i no disaepol blong mi.
29 Hem i tingting blong mi se wokman blong mi, aSidni Rigdon bae i leftemap voes blong hem long ol kongregesen long ol kantri long Is, blong mekem ol jos oli rere blong obei long ol komanmen we mi bin givim long olgeta long saed blong taem blong putumbak mo pemaot Saeon.
30 Hem i tingting blong mi se wokman blong mi, aParli P. Prat mo wokman blong mi, Liman Waet, bae tufala i nomo gobak long graon blong ol brata blong tufala kasem taem oli gat ol kampani blong man blong go long graon blong Saeon, hemia long ol grup blong ten, o twante, o fifti, o wan handred, kasem taem we oli kasem namba blong faef handred long bmanpaoa blong haos blong mi.
31 Luk, hem i tingting blong mi; askem, mo bae yufala i kasem; be ol man oli ano mekem tingting blong mi oltaem.
32 From hemia, sapos yufala i no save kasem faef handred, yufala i traem wetem fasin blong wok strong wetem strong tingting se maet bae yufala i kasem tri handred.
33 Mo sapos yufala i no save kasem tri handred, traem wetem fasin blong wok strong wetem strong tingting se maet bae yufala i kasem wan handred.
34 Be i tru, mi talem long yufala, mi givim wan komanmen long yufala, se bae yufala i no go long graon blong Saeon kasem taem we yufala i kasem wan handred long manpaoa blong haos blong mi, blong go wetem yufala long graon blong Saeon.
35 From hemia, olsem we mi bin talem long yufala, askem, mo bae yufala i kasem; prea strong se maet wokman blong mi, Josef Smit Junia, bae i save go wetem yufala mo prisaed long medel blong ol pipol blong mi, mo oganaesem kingdom blong mi long graon ia we mi akonsekretem, mo stanemap ol pikinini blong Saeon folem ol loa mo ol komanmen we mi bin givim finis, mo we bae mi givim long yufala.
36 Evri viktri mo glori bae i kam blong hapen long yufala tru long fasin blong yufala blong awok strong wetem strong tingting, fasin blong stap fetful, mo ol bprea blong fet.
37 Wokman blong mi, Parli P. Prat i mas tekem rod wetem wokman blong mi Josef Smit Junia.
38 Wokman blong mi, Liman Waet i mas tekem rod wetem wokman blong mi Sidni Rigdon.
39 Wokman blong mi, Haeram Smit i mas tekem rod wetem wokman blong mi, Frederik G. Wiliams.
40 Wokman blong mi, Orson Haed i mas tekem rod wetem wokman blong mi, Orson Prat, long weaples we wokman blong mi, Josef Smit Junia bae i talem long tufala blong go, blong mekem se ol komanmen ia we mi bin givim long yufala oli hapen, mo livim wanem we i stap long han blong mi. I olsem. Amen.