Seksen 83
Revelesen we Lod i givim tru long Profet Josef Smit, long Indipendens, Misuri, long 30 Epril 1832. Revelesen ia, Profet i bin kasem taem hem i bin sidaon long kaonsel miting wetem ol lida blong hem.
1–4, Ol woman mo ol pikinini oli gat raet blong kasem sapot long hasban mo papa blong olgeta blong lukluk long wanem oli nidim long laef; 5–6, Ol wido mo ol pikinini we oli nomo gat papa mo mama oli gat raet blong kasem sapot we i kam long Jos blong lukluk long wanem oli nidim long laef.
1 I tru, olsem ia nao Lod i talem, antap long ol loa blong jos long saed blong ol woman mo ol pikinini, olgeta we oli blong jos, we oli alusum ol hasban o papa blong olgeta:
2 Ol woman oli gat araet blong kasem sapot long hasban blong olgeta blong lukluk long samting we oli nidim long laef, kasem taem we hasban blong olgeta i ded; mo sapos oli faenem se ol woman ia oli no mekem sin, bae oli mas gat felosip insaed long jos.
3 Mo sapos oli no fetful, bae oli no gat felosip insaed long jos; yet, oli save holemtaet ol samting we oli bin kasem, hemia folem ol loa blong kantri.
4 Evri apikinini oli gat raet blong kasem sapot long papa mo mama blong olgeta blong lukluk long ol samting we oli nidim long laef kasem taem we yia blong olgeta i bigwan inaf.
5 Mo afta long hemia, oli gat raet blong kasem sapot long jos, o long narafala toktok, long astoahaos blong Lod, sapos papa mo mama blong olgeta oli no gat inaf blong givim samting we i blong olgeta long olgeta.
6 Mo stoahaos ia, bae oli mas lukaotem wetem ol samting we oli givim long jos; mo ol awido mo ol pikinini we oli nomo gat papa mo mama, bae oli kasem sapot mo samting, mo semmak tu long olgeta we oli bpua. Amen.