1 Hem i tingting blong mi blong yufala i jusum mo odenem wokman blong mi, Waren A. Kaodri, olsem wan prisaeding hae pris ova long jos blong mi, long graon blong ^aFridom mo long ol eria raonabaot;

2 Mo hem i mas prijim gospel blong mi we i no gat en, mo i mas leftemap voes blong hem mo wonem ol pipol, i no long ples blong hem nomo, be tu, long ol kaonti we oli stap long saedsaed mo raon long hem;

3 Mo hem i mas givim ful taem blong hem long hae mo tabu koling ia, we mi givim long hem naoia, taem hem i stap wok strong blong ^alukaotem ^bkingdom blong heven mo stret mo gud fasin blong kingdom ia, mo evri samting we i gat nid bae Lod i ademap long hem; from ^dman we i stap wok i mas kasem pei blong hem.

4 Mo bakegen, i tru, mi talem long yufala, taem we Lod bae i ^akam, i ^bkam kolosap finis, mo i kam kwik long wol olsem wan ^dstilman long naet—

5 From hemia, mekem yufala i rere, blong yufala i kam ol pikinini blong ^alaet, mo bae dei ia i no ^bkam kwik long yufala olsem wan stilman.

6 Mo bakegen, i tru, mi talem long yufala, i bin gat glad long heven taem wokman blong mi, Waren, i bin bodaon long fored blong king stik blong mi, mo i bin mekem hem i seperet long ol giaman wok blong ol man;

7 From hemia, mi blesem wokman blong mi, Waren, from we bae mi gat sore long hem; mo, nomata ol ^asamting nating we oli stap long hat blong hem, bae mi leftemap hem folem hamas we bae hem i putum tingting blong hem i stap daon long fored blong mi.

8 Mo bae mi givim hem ^agladhat mo wan stret save we bae hem i stanap wetem; mo sapos hem i gohed blong stap olsem wan fetful witnes mo wan laet long jos, bae mi rere long wan hat blong king, we bae mi givim long hem, long ^bhaos blong Papa blong mi. I olsem. Amen.