Seksen 92
Revelesen we Lod i givim long Profet Josef Smit, long Ketlan, Ohaeo, long 15 Maj 1833. Revelesen ia i givim instraksen long Frederik G. Wiliams, we Lod i jes jusum hem olsem kaonsela long Josef Smit, long saed blong ol diuti blong hem insaed long Yunaet Kampani (luk ol heding blong seksen 78 mo 82).
1–2, Lod i givim wan komanmen long saed blong joenem grup blong yunaet oda.
1 I tru, olsem ia nao Lod i talem, mi givim long agrup blong yunaet oda, we oli oganaesem folem komanmen we mi bin givim fastaem, wan revelesen mo wan komanmen long saed blong wokman blong mi Frederik G. Wiliams, se bambae yufala i akseptem hem insaed long oda ia. Wanem we mi talem long wan, mi talem long evriwan.
2 Mo bakegen, mi talem long yu, wokman blong mi, Frederik G. Wiliams, yu mas stap wan strong memba insaed long oda ia; mo folem hamas yu stap fetful blong stap obei long evri komanmen blong fastaem, bambae mi blesem yu blong oltaem. Amen.