Seksen 7
Revelesen we Lod i givim long Profet Josef Smit mo Oliva Kaodri, long Hamoni, Pensilvania, long Epril 1829, taem tufala i bin askem tru long Yurim mo Tumim sapos Jon, disaepol we Jisas i lavem tumas, i stap laef yet long wol o i bin ded finis. Revelesen ia i wan translesen blong rekod we Jon i bin mekem long skin blong animol we oli mekem olsem pepa, mo hemwan i bin haedem.
1–3, Jon, Disaepol we Lod I Lavem, bae i laef long wol ia kasem taem we Lod i kam; 4–8, Pita, Jemes, mo Jon, olgetatri oli holem ol ki blong gospel.
1 Mo Lod i bin talem long mi: “aJon, we mi lavem tumas. ?Wanem nao yu bwantem? From sapos yu askem wanem nao yu wantem, bambae mi givim long yu.”
2 Mo mi talem long hem: “Lod, givim mi paoa ova long aded, blong mi save laef mo save tekem ol sol oli kam long yu.”
3 Mo Lod i bin talem long mi: “I tru, i tru, mi talem long yu, se from we yu wantem hemia, bambae yu astap kasem taem we mi kam long bglori blong mi, mo bae yu dprofesae long fored blong ol kantri, famli, lanwis mo pipol.”
4 Mo from ol toktok ia, Lod i bin talem long Pita: “Sapos mi wantem se bambae hem i stap kasem taem we bambae mi kam, nao ?bae yu talem wanem? From hem i bin askem mi olsem, blong hem i save tekem ol sol oli kam long mi, be yu yu wantem se bambae yu kam kwik long mi, long akingdom blong mi.
5 Mi talem long yu Pita, se hemia i wan gud tingting; be hem we mi lavem tumas, i bin wantem blong mekem moa, o blong mekem wan moa bigfala wok yet long medel blong olgeta man bitim wok we hem i bin mekem bifo.
6 Yes, hem i bin statem wan wok we i moa bigwan; taswe, bae mi mekem hem olsem wan faea we i laet mo wan agivhan enjel; bambae hem i givhan long olgeta we oli laef long bwol we bae doli gat raet blong Lod i sevem olgeta.
7 Mo bambae mi mekem yu, yu givhan long hem mo long brata blong yu, Jemes; mo long yutrifala, bambae mi givim paoa mo aki blong seves ia kasem taem we mi kam.
8 I tru, mi talem long yufala, bambae yutufala i kasem samting olsem we yutufala i bin askem, from yutufala i stap aglad long samting we yutufala i bin askem.”