Seksen 66
Revelesen we Lod i givim, tru long Profet Josef Smit, long Haeram, Ohaeo, long 29 Oktoba 1831. Wiliam E. MakLelin i bin askem Lod, long sikret, blong Hem i talemaot tru long Profet, ol ansa long ol faef kwestin we Josef Smit i no bin save long olgeta. Folem wanem MakLelin i bin askem, Profet i bin askem Lod, mo i kasem revelesen ia.
1–4, Kavenan we i no gat en i gospel we i fulwan; 5–8, Ol elda oli mas prij, testifae mo tokbaot gud samting wetem ol pipol; 9–13, Fetful wok blong jos i mekemsua se bambae yu mas kasem wan ples blong laef we i no save finis.
1 Luk, Lod i talem long wokman blong mi Wiliam E. MakLelin—Mi blesem yu, folem hamas we yu bin gowe long ol rabis fasin blong yu, mo folem hamas yu bin akseptem ol trutok blong mi, Lod, Ridima blong yu i talem, we i Sevya blong wol, hemia Sevya blong hamas long olgeta we oli abiliv long nem blong mi.
2 I tru, mi talem long yu, mi blesem yu from we yu akseptem akavenan blong mi we i no gat en, we i gospel blong mi we i fulwan, we mi sendem i go long ol pikinini blong ol man, blong oli save gat blaef mo tekem pat long ol glori we bambae mi talemaot long ol las dei, olsem we ol profet mo ol aposol long ol dei bifo oli bin raetem.
3 I tru, mi talem long yu, wokman blong mi, Wiliam, se yu yu klin, be i no fulwan; from hemia, sakem sin, sakem olgeta samting we oli nogud long lukluk blong mi, Lod i talem, from Lod bae i asoem olgeta samting ia long yu.
4 Mo nao, i tru, mi, Lod, bambae mi soem yu wanem mi wantem long saed blong yu, o wanem nao tingting blong mi long saed blong yu.
5 Luk, i tru, mi talem long yu, se hem i tingting blong mi se yu mas atalemaot gospel blong mi long wan graon i go long nara graon, mo long wan siti i go long nara siti, yes, long ol ples ia raonabaot we oli no talemaot yet.
6 No stastap longtaem tumas blong plante dei long ples ia; no go antap long graon blong Saeon yet; be hamas samting we yu save sendem, yu sendem; sapos no, yu no mas tingting long ol samting we yu gat.
7 aGo long ol graon long Is, talem btestemoni long evri ples, long evri pipol mo insaed long evri haos blong prea blong olgeta, mo tokbaot gud ol samting long ol pipol.
8 Wokman blong mi, Samuel H. Smit i mas go wetem yu, mo yu no mas livim hem fogud, mo yu mas tijim hem long ol fasin blong wok; mo hem we bae i fetful bambae i kam astrong long evri ples; mo mi, Lod, bambae mi go wetem yu.
9 Putum ahan blong yu antap long olgeta we oli sik, mo bambae oli bkam gud bakegen. Yu no kambak kasem taem we mi, Lod, bae mi sendem yu i kambak. Gat fasin blong save wet longtaem long taem blong hadtaem. dAskem, mo bambae yu kasem; noknok, mo bae i open long yu.
10 No lukaot blong trabolem yuwan. Livim fogud evri fasin we i no stret mo i no gud. No mekem aadaltri—wan temtesen we yu bin gat trabol wetem.
11 aObei ol toktok ia, from we oli tru mo yu save trastem; mo bae yu mas givim ona mo wok strong long ofis blong yu, mo sendem plante pipol i go long bSaeon wetem ol dsingsing blong glad we i no gat en antap long hed blong olgeta.
12 aGohed blong mekem ol samting ia gogo kasem en, mo bae yu gat wan bhat blong king blong laef we i no save finis long raet han blong Papa blong mi we i fulap long gladhat mo trutok.
13 I tru, olsem ia nao Lod, aGod blong yu i talem, hem we i Ridima blong yu, we i Jisas Kraes. Amen.