Seksen 53
Revelesen we Lod i givim, tru long Profet Josef Smit, i go long Algenon Sidni Gilbet, long Ketlan, Ohaeo, long 8 Jun 1831. Folem wanem we Sidni Gilbet i bin askem, Profet i bin askem Lod long saed blong wok mo koling blong Brata Gilbet insaed long Jos.
1–3, Koling mo diuti blong Sidni Gilbet insaed long Jos i blong oli odenem hem i kam elda; 4–7, Hem i mas givim seves tu olsem wan we i ripresentem bisop.
1 Luk, mi talem long yu, wokman blong mi, Sidni Gilbet, se mi bin harem ol prea blong yu; mo yu bin prea long mi se bambae yu kam blong save ol wok ia, we i kam long Lod, God blong yu, long saed blong koling mo adiuti blong yu insaed long jos, we mi, Lod, mi bin setemap long ol las dei ia.
2 Luk, mi, Lod, we oli bin anilim mi long kros from ol sin blong wol ia, mi givim wan komanmen long yu, se bae yu blivim ol samting blong wol ia fogud.
3 Tekem long yu, odinesen ia we i kam long mi, we i hemia blong wan elda, blong prijim fet mo fasin blong sakem sin mo fasin blong akam klin aot long ol sin, folem ol toktok blong mi, mo folem fasin blong kasem Tabu Spirit tru long fasin blong putum bhan antap long hed blong man;
4 Mo tu, blong yu stap aripresentem jos ia long ples we bisop i jusum, folem ol komanmen we bambae mi givim afta.
5 Mo bakegen, i tru mi talem long yu, bambae yu mas tekem rod ia blong yu wetem ol wokman blong mi, Josef Smit Junia, mo Sidni Rigdon.
6 Luk, olgeta ia oli ol fas odinens we bambae yu kasem; mo ol narafalawan we oli stap, bambae mi mekem yu save long olgeta long wan taem we bambae i kam yet, folem ol wok blong yu long plantesen blong mi.
7 Mo bakegen, mi wantem se bambae yu lanem se, hem we i astap strong kasem en, hem nomo bambae mi sevem. I olsem. Amen.