1 Toktok mo Tingting blong Lod long saed blong Kamp blong Isrel long taem blong wokbaot blong olgeta i go long Wes:

2 Evri pipol blong ^aJos Ia blong Jisas Kraes blong Ol Lata-dei Sent, mo olgeta we oli wokbaot wetem olgeta, bae oli mas oganaesem olgeta long ol kampani, wetem wan kavenan mo wan promes blong obei long evri komanmen blong Lod, God blong mifala.

3 Oli mas oganaesem ol kampani wetem ol kapten blong ^ahandred man, ol kapten blong fifti man, mo ol kapten blong ten man, wetem wan presiden mo tufala kaonsela blong hem we oli hed blong olgeta, anda long daereksen blong Olgeta Twelef ^bAposol.

4 Mo hemia bae i ^akavenan blong yumi—se yumi ^bwokbaot folem evri ^dodinens blong Lod.

5 Long wanwan kampani, bae wanwan i lukluk long ol animol, ol wilkat, ol kaekae, ol klos mo ol narafala samting we oli nidim blong wokbaot i go, olsem we oli save mekem.

6 Taem ol kampani oli oganaesem olgeta finis, oli mas wok strong blong rere long olgeta we bae oli stastap.

7 Bae wanwan kampani, wetem ol kapten mo ol presiden blong olgeta, oli mas talemaot hamas man i save go long nekis Springtaem we i stap kam; afta, oli mas jusum wan gudfala namba blong ol man we oli gat paoa mo oli save gud samting, blong tekem ol animol, ol sid, mo ol tul blong wok long garen, blong go olsem ol paeonia blong rere blong planem ol krop long Springtaem.

8 Wanwan kampani, folem hamas samting we hem i gat, bae i mas lukaotem ol ^apua man, ol ^bwido, ol ^dpikinini we oli nomo gat papa, mo ol famli blong olgeta man we oli go long wo, blong mekem se krae blong wido mo olgeta we oli no gat papa i no kasem sora blong Lod blong i agensem ol pipol ia.

9 Wanwan kampani bae i mas rere long ol haos, ol garen blong planem ol sid blong olgeta we bae oli stap yet long taem ia; mo hemia i tingting blong Lod long saed blong ol pipol blong hem.

10 Bae evri man i mas yusum paoa blong hem mo ol samting blong hem blong mekem se ol pipol oli aot i go long ples we Lod bae i putum ^astek blong Saeon long hem.

11 Mo sapos yufala i mekem hemia wetem wan hat we i klin evriwan, mo wetem fasin blong stap fetful, bambae yufala i kasem ^ablesing; bambae mi blesem yufala wetem ol grup blong ol smolsmol animol blong yufala, mo ol grup blong ol bigfala animol blong yufala, mo ol garen blong yufala, mo ol haos blong yufala, mo ol famli blong yufala.

12 Bae ol wokman blong mi, Esra T. Benson mo Erastas Sno oli mas oganaesem wan kampani.

13 Bae ol wokman blong mi, Orson Prat mo Wilfod Wudrof oli mas oganaesem wan kampani.

14 Mo tu, bae ol wokman blong mi, Amasa Liman mo Joj A. Smit oli mas oganaesem wan kampani.

15 Mo oli mas jusum ol presiden, mo ol kapten blong handred man, mo blong fifti man, mo blong ten man.

16 Mo olgeta wokman blong mi we oli bin jusum olgeta oli mas go mo tijim hemia, we i tingting blong mi, i go long olgeta Sent, blong mekem se bae oli rere blong go long wan graon blong pis.

17 Yufala i go mo mas mekem olsem mi we mi bin talem long yufala, mo yufala i no fraet long ol enemi blong yufala; from se bae oli no gat paoa blong stopem wok blong mi.

18 Bambae mi ^apemaot Saeon, long stret taem blong mi.

19 Mo sapos eni man i stap traem blong putum hemwan antap, mo i no askem ^aadvaes blong mi, bambae hem i no gat paoa, mo krangke blong hem bae i kamaot klia.

20 Yufala i lukaotem; mo yufala i ^aholemtaet ol promes we yufala i mekem long wanwan long yufala; mo yufala i no mas ^bwantem tekem samting we i blong brata blong yufala.

21 Yufala i mas ^aholembak yufala blong no mekem nogud samting ia blong tekem nem blong Lod blong nating, from we mi mi Lod, God blong yufala, mi mi ^bGod blong ol papa blong yufala, God ia blong Ebraham, mo blong Aesak, mo blong Jekob.

22 ^aMi, mi hem ia, we i bin lidim ol pikinini blong Isrel oli go aot long graon blong Ijip, mo mi stretem han blong mi, long ol las dei, blong ^bsevem pipol blong mi, Isrel.

23 Stop blong ^arao wan wetem narawan; stop blong talem ^bnogud samting agensem wanwan long yufala bakegen.

24 Stop blong ^astap drong; mo toktok blong yufala i mas mekem we wanwan long yufala i ^bkam antap.

25 Sapos yu tekem o yusum wan samting blong neba blong yu, nao yu mas putumbak wanem samting we yu bin tekem o ^ayusum; mo sapos yu no save pembak, nao wantaem yu mas go mo talem long neba blong yu, blong mekem se hem i no jajem yu rong.

26 Mo sapos yu faenem samting we neba blong yu i bin ^alusum, nao yu mas wok strong wetem strong tingting blong lukaotem se hem i blong hu kasem taem yu faenem, mo givimbak long hem.

27 Yu mas ^awok strong wetem strong tingting blong lukaotem gud wanem we yu gat, blong mekem se yu yu wan ^bwaes man blong lukaotem gud samting; from se hem i wan fri presen blong Lod, God blong yu, mo yu yu man blong lukaot long ol samting blong hem.

28 Sapos yu yu glad, presem Lod wetem ^asingsing, wetem miusik, wetem danis, mo wetem wan ^bprea blong presem hem mo ^dtalem tangkyu long hem.

29 Sapos yu yu ^aharem nogud, prea long Lod, God blong yu, mo prea strong, blong mekem se sol blong yufala i gat ^bglad.

30 No fraet long ol enemi blong yu, from se oli stap long ol han blong mi, mo bae mi mekem wanem we mi wantem wetem olgeta.

31 Mi mas ^atraem ol pipol blong mi long saed blong evri samting, blong mekem se oli rere blong kasem ^bglori we mi gat blong olgeta, we i glori blong Saeon; mo hem we i no save tekem ^dpanismen, hem i no inaf blong kasem kingdom blong mi.

32 Hem we i no gat save i mas lanem ^awaes tingting tru long ^bfasin blong stap putum tingting blong hem i stap daon mo tru long fasin blong stap prea long Lod, God blong hem, blong mekem se ae blong hem i open blong hem i save luk, mo blong ol sora blong hem oli open blong hem i save harem samting;

33 From mi sendem ^aSpirit blong mi i go long wol blong givim moa laet long olgeta we oli gat tingting i stap daon mo wantem sakem sin, mo blong panisim olgeta we oli no obei long God.

34 Olgeta brata blong yufala oli bin sakemaot yufala mo testemoni blong yufala, yes, nesen ia i bin ^aronemaot yufala.

35 Mo naoia, dei blong bigfala trabol blong olgeta i stap kam, yes, ol dei blong harem nogud, olsem hemia blong wan woman we i stap wantem blong bonem bebi; mo ol harem nogud blong olgeta bambae i bigwan sapos oli no sakem sin kwiktaem, yes, kwiktaem we kwiktaem.

36 From se oli bin kilimded olgeta profet, mo olgeta man we mi bin sendem i go long olgeta; mo oli bin mekem blad blong wan we i no gat rong i ron, i singaot, aot long graon, agensem olgeta.

37 From hemia, yufala i no mas sapraes long olgeta samting ia, from we yufala i no ^aklin evriwan yet; yufala i no save stap long glori blong mi; be bae yufala i luk glori blong mi sapos yufala i fetful blong stap obei long evri toktok blong mi we mi bin ^bgivim long yufala, stat long taem blong Adam i go kasem blong Ebraham, stat long Ebraham i go kasem blong Moses, stat long Moses i go kasem taem blong Jisas mo ol aposol blong hem, mo stat long Jisas mo ol aposol blong hem i go kasem Josef Smit, we mi bin singaotem hem tru long ol ^denjel blong mi, ol wokman blong mi wetem wan wok blong tij, mo tru long voes blong mi we i kamaot long ol heven, blong mekem wok blong mi i kamtru.

38 Mo hem i bin statem stamba blong ol wok ia, mo hem i bin fetful; mo mi tekem hem i kam long mi.

39 Plante oli bin sapraes from ded blong hem; be i bin nid blong hem i mas ^asilim ^btestemoni blong hem wetem ^dblad blong hem blong mekem se Lod i save givim ona long hem mo i save panisim olgeta we oli nogud.

40 ?Olsem wanem? ?Mi mi no mekem yufala i kam fri long ol ^aenemi blong yufala, mo long wei ia, livim wan witnes blong nem blong mi?

41 Nao, taswe, lisin gud, O yufala ol pipol blong ^ajos blong mi; mo yufala ol elda, yufala i lisin tugeta; yufala i bin kasem ^bkingdom blong mi.

42 Yufala i mas wok strong wetem strong tingting blong stap obei long evri komanmen blong mi, nogud bae ol jajmen oli foldaon long yufala, mo fet blong yufala i lus, mo enemi blong yufala i winim yufala. Mo hemia nomo blong naoia. Amen mo Amen.