Seksen 31
Revelesen we Lod i givim tru long Profet Josef Smit i go long Tomas B. Mars, long Septemba 1830. Samting ia i hapen stret afta long wan konfrens blong Jos (luk long heding blong seksen 30). Tomas B. Mars i bin kasem baptaes eli long manis ia mo oli bin odenem hem i kam wan elda insaed long Jos bifo we Lod i givim revelesen ia.
1–6, Lod i singaotem Tomas B. Mars blong prijim gospel mo i kasem gud toktok ia se famli blong hem bae i stap gud; 7–13, Hem i kasem advaes blong hem i mas save wet longtaem, prea oltaem, mo folem Spirit blong Givhan.
1 aTomas, boe blong mi, mi blesem yu from fet blong yu long wok blong mi.
2 Luk, yu bin gat plante hadtaem from famli blong yu; be bambae mi blesem yu mo famli blong yu, yes, ol smol pikinini blong yu; mo dei ia i stap kam we bae oli biliv mo save trutok mo stap wan wetem yu insaed long jos blong mi.
3 Leftemap hat blong yu mo stap glad, from aoa blong misin blong yu i stap kam; mo tang blong yu bae i kam fri, mo bambae yu talemaot ol agudfala nius blong bigfala glad long jeneresen ia.
4 Bambae yu atalemaot ol samting we mi bin talemaot long revelesen long wokman blong mi, Josef Smit Junia. Bae yu stat blong prij, stat long taem naoia i go, yes, blong yu tekem kaekae long garen we i bwaet, i rere blong oli bonem.
5 From hemia, asakem huknaef blong yu wetem evri sol blong yu, mo bambae mi bfogivim ol sin blong yu, mo bambae yu tekem fulap dbandel kaekae long baksaed blong yu, from eman we i stap wok i mas kasem pei blong hem. Taswe, famli blong yu bae i laef.
6 Luk, mi talem long yu, go longwe long olgeta blong wan smol taem nomo, mo talemaot toktok blong mi, mo bae mi mekem rere wan ples blong olgeta.
7 Yes, bambae mi aopenem hat blong ol pipol, mo bae oli akseptem yu. Mo bambae mi stanemap wan jos tru long han blong yu;
8 Mo bae yu mas mekem olgeta oli akam strong moa mo mekem olgeta oli rere from taem ia we bae mi karem olgeta i kam wanples.
9 Long ol ahadtaem, yu mas gat bfasin blong save wet longtaem, yu no mas tok nogud agensem olgeta we oli stap tok nogud. Yu mas lidim dhaos blong yu wetem fasin blong no stap flas, mo yu mas gat fasin blong stanap strong.
10 Luk, mi talem long yu, se bambae yu stap olsem wan dokta blong jos, be i no blong wol, from we bambae oli no akseptem yu.
11 Gohed long rod blong yu, long weaples we mi wantem, mo bambae mi givim long yu tru long aSpirit blong Givhan, wanem nao bae yu mekem mo weaples nao bae yu go long hem.
12 aPrea oltaem, blong mekem se yu no foldaon long btemtesen mo lusum pei blong yu.
13 Stap afetful kasem en, mo luk gud, mi stap bwetem yu. Ol toktok ia, i no wan man i talem, o i no ol man oli talem, be mi nao mi talem, mi we mi Jisas Kraes, Ridima blong yu, tru long dtingting blong Papa. Amen.