Seksen 37
Revelesen we God i givim long Profet Josef Smit mo Sidni Rigdon, kolosap long Feyet, Niu Yok, long Disemba 1830. Long revelesen ia, Lod i givim fas komanmen long saed blong wan taem blong ol memba oli kam wanples long dispensesen ia.
1–4, Lod i singaotem olgeta Sent blong oli kam wanples long Ohaeo.
1 Luk, mi talem long yutufala se i no nid, long mi, blong yutufala i mekem sam moa atranslesen kasem taem we yutufala i go long Ohaeo, mo hemia, from se enemi we i stap mo from gud blong yutufala.
2 Mo bakegen, mi talem long yutufala se bae yutufala i no mas go kasem taem nomo we yutufala i prijim gospel blong mi long ol eria ia, mo yutufala i mekem jos, long weaples yutufala i faenem jos i stap, i kam strong gud moa, mo moa speseli long aKolesvil; from luk, oli stap prea long mi wetem bigfala fet.
3 Mo bakegen, mi givim wan komanmen long jos, se long mi, hem i nid blong oli kam tugeta wanples long aOhaeo, blong rere long taem ia we wokman blong mi, Oliva Kaodri, bae i kambak long olgeta.
4 Luk, hemia i waes toktok, mo evri man i mas mekem ajoes blong hemwan kasem taem we mi kam. I olsem. Amen.