අධ්‍යාත්මික වස්තූන්
ඔබ එම පූජක බලය කෙරෙහි විශ්වාසය තබන විට, ස්වාමින්වහන්සේ ලබාදී ඇති මෙම අධ්‍යාත්මික වස්තුව ලබාගැනීමට ඔබට ඇති හැකියාව වැඩි වේ.
ලස්සන සංගීතයට ඔබට ස්තූතියි. “We Thank Thee, O God, for a Prophet,” යන අතරමැදි ගීතිකාව ගායනා කිරීමට අප සියලුදෙනාම නැගිට සිටියදී, බලවත් සිතුවිලි දෙකක් මා වෙත පැමිණියා. එකක් නම් මෙම කාල පරිච්ජේදයේ අනාගතවක්තෘ ජෝසෆ් ස්මිත් අනාගතවක්තෘවරයා ගැනයි. ඔහු කෙරෙහි මගේ ආදරය හා ප්‍රසාදය දිනෙන් දින වර්ධනය වෙනවා. දෙවෙනි සිතුවිල්ල ඇති වූයේ මම මගේ බිරිඳ, දියණියන්, මිණිබිරියන් සහ මී-මිණිබිරියන් දෙස බැලූ විටයි. ඔබ සෑම කෙනෙකුම මගේ පවුලේ කොටසක් ලෙස ප්‍රකාශ කිරීමට මා කැමතියි.
මීට මාස කිහිපයකට පෙර, දේවමාළිගා එන්ඩව්මන්ට් සැසිවාරය්යක් අවසානයේදී, මම මගේ බිරිඳ වෙන්ඩිට මෙසේ කීවෙමි, “සහෝදරියන් දේවමාළිගාවේ ඇති ඔවුන්ගේ අධ්‍යාත්මික වස්තූන් තේරුම්ගනී යැයි මම විශ්වාස කරනවා.” සහෝදරියනි, මාස දෙකකට පෙර වෙන්ඩි සහ මම පෙන්සිල්වේනියාවේ හාර්මනි නැරඹීමට ගිය කාලය ඇතුළුව මම ඔබ ගැන බොහෝ විට සිතනවා කියලා දැණුනා.
මෙය අපි එහි ගිය දෙවන ගමනයි. එම පූජනීය භූමියේ ඇවිද යන විට අවස්ථා දෙකේදීම අප ගැඹුරටම චලනය වුණා. යොහාන් බෞතීස්ත ජෝසෆ් ස්මිත්ට පෙනී සිටිමින් ආරොනික පූජකත්වය නැවත පිහිටුවීම කළ බවින් පිරී තිබුණා.
මෙල්කිසදෙක් පූජකත්වය නැවත පිහිටුවීම සඳහා ප්‍රේරිත පේතෘස්, යාකොබ් සහ යොහාන් පෙනී සිටියේද එහිදීය.
එමා හේල් ස්මිත් ඇගේ සැමියාගේ පළමු ලියන්නා ලෙස සේවය කළ අතර දිවැසිවරයා මෝර්මොන්ගේ පොත පරිවර්තනය කළ බවින් එහි පිරී තිබුණා.
එමාට ස්වාමින්වහන්සේගේ කැමැත්ත ප්‍රකාශ කරන එළිදරව්වක් ජෝසෆ්ට ලැබුණේ එතනදීයි. ශුද්ධලියවිල්ල පැහැදිලි කිරීමට, සභාවට අවවාද කිරීමට, ශුද්ධාත්මයාණන්වහන්සේව පිළිගැනීමට සහ “බොහෝ දේ ඉගෙනගැනීමට” ඇගේ කාලය ගතකරන ලෙස ස්වාමින්වහන්සේ එමාට උපදෙස් දුන්නා. “මෙලොව දේවල් පසෙකට දමා වඩා හොඳ දේ සොයාගැනීමටත්, දෙවියන්වහන්සේ සමග ඇතිකරගත් ගිවිසුම් තදින් අල්ලාගැනීමටත් එමාට උපදෙස් දෙන ලදි. ස්වාමින්වහන්සේ සිය උපදෙස් අවසන් කළේ, “මෙය සියල්ලන්ට මාගේ හඬය” යනුවෙන්.1
මෙම ප්‍රදේශය තුළ සිදු වූ සෑම දෙයක්ම ඔබේ ජීවිතයට ප්‍රබල බලපෑමක් ඇති කරයි. පූජකත්වය නැවත පිහිටුවීම සහ එමාට ස්වාමීන්වහන්සේගේ උපදෙස් තුලින් ඔබ සැමට මඟපෙන්වීම හා ආශීර්වාද ලැබිය හැකිය. පූජකත්වය නැවත ඵිටුවීම පිරිමියෙකුට මෙන්ම ඕනෑම කාන්තාවකට අදාළ වන බව ඔබ තේරුම්ගනී යැයි මා ආශා කරනවා. මෙල්කිසදෙක් පූජකත්වය නැවත පිහිටවූ නිසා, ගිවිසුම් රකින ස්ත්‍රීන්ට හා පුරුෂයින්ට “සභාවේ සියලු අධ්‍යාත්මික ආශිර්වාද”2 ලබාගැනීමට හෝ ස්වාමින්වහන්සේට තම දරුවන් උදෙසා ඇති සියලු අධ්‍යාත්මික වස්තූන් වෙත ප්‍රවේශ විය හැකියි.
දෙවියන්වහන්සේ සමග ගිවිසුම් ඇති කරගෙන එම ගිවිසුම් පවත්වාගෙන යන සහ පූජක තන්ත්‍රවලට සුදුසු ලෙස සහභාගී වන සෑම කාන්තාවකටම සහ පුරුෂයෙකුටම දෙවියන්වහන්සේගේ බලයට සෘජු ප්‍රවේශයක් ඇත. ස්වාමින්වහන්සේගේ නිවසෙහි එන්ඩව්ඩ් වී ඇති අයට, එම බලය ලබාගන්නේ කෙසේදැයි දැනගැනීම සඳහා දෙවියන්වහන්සේගේ පූජකත්වයේ ත්‍යාගයක් මෙන්ම ඔවුන්ගේ ගිවිසුම අනුව දැනුමේ ත්‍යාගයක්ද ලැබී තිබේ.
පූජකත්වය දරන පිරිමින්ට මෙන්ම ඔවුන්ගෙන් ලැබෙන පූජකත්වය තුලින් දෙවියන්වහන්සේගේ බලය සමග එන්ඩව්ඩ් වී ඇති කාන්තාවන්ට ස්වර්ග විවෘතව පවතී. සත්‍යය ඔබගේ සෑම හදවතකම ලියාපදිංචි වනු ඇතැයි මම යාච්ඤා කරමි, මන්ද එය ඔබගේ ජීවිතය වෙනස් කරනු ඇතැයි මම විශ්වාස කරමි. සහෝදරියනි, ඔබගේ පවුලට සහ ඔබ ආදරය කරන අයට උපකාර කිරීමට ගැලවුම්කරුවාණන්ගේ බලය මත නිදහස් ලෙස ලැබීමට ඔබට අයිතියක් ඇත.
දැන්, මෙසේ ඔබ ඔබටම පවසයි, “මෙය අපූරුයි, නමුත් මම එය කරන්නේ කෙසේද? මම ගැලවුම්කරුවාණන්ගේ බලය මගේ ජීවිතයට ඇදගන්නේ කෙසේද? ”
මෙම ක්‍රියාවලිය කිසිදු අත්පොතක අක්ෂර වින්‍යාසය ඔබට හමුනොවේ. ස්වාමින්වහන්සේට ඔබ දැනගැනීමට සහ කිරීමට අවශ්‍ය දේ තේරුම්ගැනීමට උත්සාහ කරන විට ශුද්ධාත්මයාණන්වහන්සේ ඔබේ පුද්ගලික උපදේශකයා වනු ඇත. මෙම ක්‍රියාවලිය ඉක්මන් හෝ පහසු නැත, නමුත් එය අධ්‍යාත්මික වශයෙන් ප්‍රබෝධමත් කරයි. දෙවියන්වහන්සේගේ බලය වන පූජකත්වයේ බලය තේරුම්ගැනීමට ආත්මයාණන්වහන්සේ සමග වැඩ කරනවාට වඩා සිත්ගන්නාසුලු විය හැක්කේ කුමක්ද?
ඔබේ ජීවිතයේ දෙවියන්වහන්සේගේ බලයට ප්‍රවේශ වීමට ස්වාමින්වහන්සේ එමාට සහ ඔබ සෑම කෙනෙකුටම උපදෙස් දුන් දේම අවශ්‍ය බව මට ඔබට පැවසිය හැකිය.
එබැවින්, දහම සහ ගිවිසුමේ 25 වන කොටස යාච්ඤාපූර්වකව අධ්‍යයනය කර ශුද්ධාත්මයාණන්වහන්සේ ඔබට උගන්වන්නේ කුමක්දැයි සොයාගන්නා ලෙස මම ඔබට ආරාධනා කරමි. ඔබේ පෞද්ගලික, අධ්‍යාත්මික ප්‍රයත්නය මඟින් ඔබ ලබා ඇති බලය, අවබෝධ කරගැනීම සහ භාවිතා කිරීම තුළින් ඔබට ප්‍රීතිය ලැබෙනු ඇත.
මෙම ප්‍රයත්නයේ කොටසක් ඔබට මේ ලෝකයේ බොහෝ දේ පසෙකට දැමීම අපෙක්ෂා කරයි. සමහරවිට අපි වාද විවාද, ව්‍යාප්ත පරීක්ෂාවන් සහ ව්‍යාජ දර්ශන සමග ලෝකයෙන් ඉවත් වීම ගැන සාමාන්‍ය ලෙස කතා කරමු. නමුත් සැබවින්ම එසේ කිරීම සඳහා ඔබේ ජීවිතය සුපරීක්ෂාකාරීව හා නිතිපතා පරීක්ෂා කර බැලිය යුතුය. ඔබ එසේ කරන විට, ශුද්ධාත්මයාණන් විසින් තවදුරටත් අවශ්‍ය නොවන දේ, ඔබේ කාලය හා ශක්තිය සඳහා තවදුරටත් සුදුසු නොවන දේ පිළිබඳව ඔබට දන්වනු ඇත.
ලෞකික අවධානය වෙනතකට යොමුකිරීමෙන් ඔබේ අවධානය වෙනතකට යොමුවන විට, දැන් ඔබට වැදගත් යැයි පෙනෙන සමහර දේවල් ප්‍රමුඛතාවයෙන් පහව යනු ඇත. සමහර දේවල් හානිකර නොවන බවක් පෙනෙන්නට තිබුණත් ඔබට ඒවා එපා යැයි පැවසීමට අවශ්‍ය වනු ඇත. ඔබේ ජීවිතය ස්වාමින්වහන්සේට කැපකිරීමේ මෙම ජීවිත කාලය පුරාම ඔබ ඉදිරියට යන විට, ඔබේ ඉදිරිදර්ශනය, හැඟීම් සහ අධ්‍යාත්මික ශක්තිය වෙනස් වීම ඔබව මවිතයට පත් කරනු ඇත!
දැන් කුඩා අනතුරු ඇඟවීමේ වචනයක්. දෙවියන්වහන්සේගේ බලය ඉල්ලා සිටීමට ඔබට ඇති හැකියාව අඩපණ කරන අයද සිටිති. ධර්මිෂ්ට ස්ත්‍රියක් ලෙස ඔබේ ආත්මීය හැකියාව අවම කරගැනීමට ඔබ ගැන සැකයක් ඇති අයද සිටිති.
බෞතීස්මයේදී ඔබ කළ ගිවිසුම හෝ දේවමාළිගාව තුළ ඔබට ලැබී ඇති හෝ ලැබිය හැකි දැනුම හා බලය පිළිබඳ ගැඹුරු අවබෝධය ඔබ තේරුම්ගන්නවාට විරුද්ධවාදියා කැමති නැත. දේවමාළිගාවේ ඔබ සේවය කිරීමට හා නමස්කාර කිරීමට සුදුසු සෑම අවස්ථාවකම ඔබ දෙවියන්වහන්සේගේ බලයෙන් සන්නද්ධව සිටින බවත්, උන්වහන්සේගේ දූතයන්ට ඔබව “භාර දෙන” බවත් සාතන් තේරුම්ගැනීමට කැමති නැත.3
ආශීර්වාද ලැබිය හැකි ආත්මික දීමනා තේරුම්ගැනීමෙන් ඔබව වළක්වන්නට සාතන් සහ ඔහුගේ සගයන් නිරන්තරයෙන් මාර්ග බාධක වලට ඔබව ගොදුරු කරගනු ඇත. අවාසනාවට, සමහර මාර්ග බාධක වෙනත් කෙනෙකුගේ වැරදි හැසිරීමක ප්‍රතිඵලයක් විය හැකිය. ඔබගෙන් කිසිවෙකු කොන්වී ඇති බවක් හෝ පූජක නායකයෙකු විසින් විශ්වාස කර නොමැති බව හෝ ස්වාමිපුරුෂයෙකු, පියෙකු හෝ මිතුරෙකු යැයි කියනු ලබන අයගෙන් අතවරයට හෝ පාවාදීමට ලක්ව ඇතැයි සිතීම මට ශෝකයකි. ඔබෙන් කිසිවෙකු පසෙකට වී, අගෞරවයට හෝ වැරදි ලෙස විනිශ්චය කර ඇති බව දැනීම මට ශෝකයක් ගෙනෙනවා. එවැනි වැරදිවලට දේවරාජ්‍යයේ තැනක් නැත.
අනෙක් අතට, කොට්ටාශ සහ ස්ටේක සභාවල කාන්තාවන්ගේ සහභාගීත්වය උනන්දුවෙන් සොයන පූජක නායකයින් ගැන දැනගත් විට එය මා සතුටට පත් කරයි. සෑම ස්වාමිපුරුෂයෙකුගේම වැදගත්ම පූජක තන්ත්‍රයේ වගකීම තම බිරිඳ රැකබලාගැනීම ඉටුවන විට මට සතුටු වෙයි.4 තම බිරිඳට එළිදරව්ව ලබාගැනීමට ඇති හැකියාව කෙරෙහි දැඩි ලෙස ගරු කරන සහ ඔවුන්ගේ විවාහයේ සමාන හවුල්කරුවෙකු ලෙස ඇයව අගය කරන මිනිසාට මම ප්‍රශංසා කරමි.
ධර්මිෂ්ට, සොයන, එන්ඩව්ඩ් වූ පසුකාලීන සාන්තුවර ස්ත්‍රියකගේ මහිමාන්විතභාවය හා බලය මිනිසෙකු වටහා ගත් විට, ඇය කාමරයට ඇතුළු වන විට සිටගැනීමට ඔහුට දැනීම පුදුමයක්ද?
කාලය උදාවූ දා සිට කාන්තාවන්ට අද්විතීය ලෞකික මාලිමා සමග ආශිර්වාද ලබා ඇත - එනම් හරි දේ වැරැද්දෙන් වෙන්කර හඳුනා ගැනීමේ හැකියාවයි. ගිවිසුම් ඇතිකරගන්නා සහ තබාගන්නා අය තුළ මෙම ත්‍යාගය වැඩි දියුණු වේ. දෙවියන්වහන්සේගේ අණ පණත් හිතාමතාම නොසලකා හරින අය තුළ එය අඩු වේ.
හරි වැරැද්ද අතර වෙනස හඳුනාගැනීම සඳහා දෙවියන්වහන්සේගේ අවශ්‍යතාවයෙන් මම කිසිම ආකාරයකින් පිරිමින්ව නිදහස් නොකරන බව එක් කිරීමට මම ඉක්මන් වෙමි. නමුත් මගේ ආදරණීය සහෝදරියනි, සත්‍යය වැරැද්දෙන් වටහාගැනීමට, සමාජයේ සදාචාරයේ ආරක්ෂකයින් වීමට ඔබට ඇති හැකියාව මෙම අවසාන දිනවල තීරණාත්මකය. ඒ හා සමානව අන් අයටත් ඉගැන්වීමට අපි ඔබ මත රඳා සිටිමු. මට මේ ගැන ඉතා පැහැදිලිව කියන්නට ඉඩදෙන්න: මේ ලෝකය තම කාන්තාවන්ගේ සදාචාරාත්මක නිරවද්‍යතාවය නැතිකර ගන්නේ නම්, ලෝකය කිසිවිටෙකත් යථා තත්ත්වයට පත් නොවනු ඇත.
අපි පසුකාලීන සාන්තුවරයන් ලෝකයට අයත් නොවේ. අපි ඊශ්‍රායෙලයේ ගිවිසුමක්. ස්වාමින්වහන්සේගේ දෙවන පැමිණීම සඳහා ජනතාවක් සූදානම් කිරීමට අපව කැඳවනු ලැබ ඇත.
දැන්, ස්ත්‍රීන් හා පූජකත්වය සම්බන්ධයෙන් අමතර කරුණු කිහිපයක් දැන් පැහැදිලි කර දෙන්නම්. ඔබගේ සභානායජවරයා හෝ ස්ටේක සහාපති වැනි පූජකත්වයේ යතුරු ඇති අයගේ මගපෙන්වීම යටතේ ඇමතුමක සේවය කිරීම සඳහා ඔබව වෙන් කර ඇති විට, එම කැඳවීම ක්‍රියාත්මක කිරීමට ඔබට පූජකත්වයේ බලය ලැබේ.
ඒ හා සමානව, ශුද්ධ වූ දේවමාළිගාවේදී, ඔබ සහභාගී වන සෑම අවස්ථාවකම පූජකත්වය වත්පිළිවෙත් ඉටුකිරීමට හා සේවය කිරීමට ඔබට බලය ඇත. අපගේ දේවමාළිගා එන්ඩව්මන්ට් එක එසේ කිරීමට ඔබව සූදානම් කරයි.
ඔබ එන්ඩව්ඩ් වී ඇති නමුත් දැනට පූජකත්වය දරන මිනිසෙකු සමග විවාහ වී නොමැති නම් සහ යමෙකු ඔබට “ඔබේ නිවසේ පූජකත්වය නොතිබීම ගැන මට කණගාටුයි” යැයි පැවසුවහොත් කරුණාකර එම ප්‍රකාශය වැරදිය. ඔබේ නිවසේ පූජකත්වය දරන්නෙකු ඔබට නොසිටිය හැකි නමුත්, ඔබ දෙවියන්වහන්සේගේ දේවමාළිගාවේදී පරිශුද්ධ ගිවිසුම් ලබාගෙන සහ ඇති කරගෙන තිබේ. එම ගිවිසුම් වලින් උන්වහන්සේගේ පූජකත්ව බලය ඔබ කෙරෙහි ගලා එයි. ඔබේ ස්වාමිපුරුෂයා මිය ගියහොත් ඔබ ඔබේ නිවසේ මුලසුන හොබවන බව මතක තබාගන්න.
ධර්මිෂ්ට, එන්ඩව්ඩ් වූ සාන්තුවර කාන්තාවක් ලෙස, ඔබ දෙවියන්වහන්සේගෙන් බලය හා අධිකාරය ඇතිව කථා කරයි. අවවාදයෙන් හෝ සංවාදයෙන් වේවා, අපට ක්‍රිස්තුස්වහන්සේගේ දහම ඉගැන්වීමට ඔබේ හඬ අවශ්‍ය වේ. පවුලේ, කොට්ටාශයේ සහ ස්ටේක සභා වල ඔබගේ ඇතුලත්වීම අපට අවශ්‍යය. ඔබේ සහභාගීත්වය අත්‍යවශ්‍ය වන අතර කිසිවිටෙකත් විසිතුරු නොවේ!
මාගේ ආදරණීය සහෝදරියනි, ඔබ අන් අයට සේවය කරන විට ඔබේ බලය වැඩිවේ. ඔබගේ යාච්ඤා, නිරාහාරව සිටීම, ශුද්ධලියවිලි පදවල ගතකරන කාලය සහ දේවමාළිගාවේ හා පවුල් ඉතිහාසයේ සේවය ඔබට ස්වර්ගය විවෘත කරනු ඇත.
පූජක බලය පිළිබඳ ඔබට සොයාගත හැකි සියලු සත්‍යයන් යාච්ඤාපූර්වකව අධ්‍යයනය කරන ලෙස මම ඔබෙන් ඉල්ලා සිටිමි. ඔබට දහම සහ ගිවිසුමේ 84 සහ 107 යන කොටස් වලින් ආරම්භ කළ හැකිය. එම කොටස් ඔබව වෙනත් ඡේද වෙත යොමු කරනු ඇත. නූතන අනාගතවක්තෘවරුන්, දකින්නන් සහ එළිදරව් කරන්නන් විසින් ලියන ලද ශුද්ධලියවිලි සහ ඉගැන්වීම් මෙම සත්‍යයන්ගෙන් පිරී තිබේ. ඔබේ අවබෝධය වැඩි වන විට සහ ඔබ ස්වාමින්වහන්සේ සහ උන්වහන්සේගේ පූජක බලය කෙරෙහි විශ්වාසය තබන විට, ස්වාමින්වහන්සේ ලබාදී ඇති මෙම අධ්‍යාත්මික වස්තුව ලබාගැනීමට ඔබට ඇති හැකියාව වැඩි වේ. ඔබ එසේ කරන විට, ස්වාමින්වහන්සේගේ දේවමාළිගාවෙහි මුද්‍රා තබා අපගේ ස්වර්ගික පියාණන් හා යේසුස් ක්‍රිස්තුස්වහන්සේ කෙරෙහි ප්‍රේමයෙන් පිරි සදාකාලික පවුල් ඇති කිරීමට ඔබට වඩා හොඳ හැකියාවක් ඔබට පෙනෙනු ඇත.
එකිනෙකාට සේවය කිරීම, සුභාරංචිය ප්‍රකාශ කිරීම, සාන්තුවරයන් පරිපූර්ණ කිරීම සහ මළවුන්ව මුදවා ගැනීම සඳහා අප දරන සියලු උත්සාහයන් ශුද්ධ දේවමාළිගාවේදී ආවරණය වෙයි. අපට දැන් ලොව පුරා දේවමාළිගා 166 ක් ඇති අතර තවත් බොහෝ ඒවා පැමිණේ.
ඔබ දන්නා පරිදි, සභාවේ කාර්යාල ගොඩනැගිල්ල අසල සෝල්ට් ලේක් දේවමාළිගාව, දේවමාළිගා චතුරශ්‍රය සහ යාබද ප්ලාසා මෙම වසර අවසානයේදී ආරම්භ වන ව්‍යාපෘතියකින් අලුත් කරනු ලැබේ. එය මේ පරම්පරාවට ලබාදෙන ආස්වාදය සේම, මෙම පූජනීය දේවමාළිගාව සංරක්ෂණය කර අනාගත පරපුරට ආස්වාදයක් ලබාදීමට සූදානම් විය යුතුය.
සභාව වර්ධනය වන විට, වැඩි පවුල් ගණනක් සදාකාල ජීවනයේ ආශීර්වාද ලබාගැනීමට හැකි වන පරිදි තවත් දේවමාළිගා ඉදිකරනු ඇත.5 දේවමාළිගාව සභාවේ වඩාත්ම ශුද්ධවූ ව්‍යුහය ලෙස අපි සලකන්නෙමු. නව දේවමාළිගාවක් ඉදිකිරීමට සැලසුම් කරන සෑම අවස්ථාවකම එය අපේ ඉතිහාසයේ වැදගත් අංගයක් බවට පත්වේ. අද රාත්‍රියේ අප මෙහි සාකච්ඡා කර ඇති පරිදි, සහෝදරියන් වන ඔබ දේවමාළිගාවේ වැඩකටයුතු වලට අත්‍යවශ්‍ය වන අතර දේවමාළිගාව යනු ඔබගේ ඉහළම අධ්‍යාත්මික වස්තූන් ඔබට ලැබෙන ස්ථානයයි.
අළුත් දේවමාළිගා අටක් ඉදිකිරීමේ සැලසුම් දැන් ප්‍රකාශයට පත් කරන බැවින් කරුණාකර හොඳින් හා ගෞරවාන්විතව සවන් දෙන්න. ඔබට විශේෂ වූ ස්ථානයක එකක් මම නිවේදනය කළොත්, සරලව ඔබගේ හදවතින් ස්තූතිවන්ත නිහඬ යාච්ඤාවකින් ඔබගේ හිස නවන ලෙස මම යෝජනා කරනවා. පහත සඳහන් ස්ථානවල දේවමාළිගා ඉදිකිරීමේ සැලසුම් ප්‍රකාශයට පත්කිරීම ගැන අපි සතුටු වෙමු: ෆ්‍රීටවුන්, සියරා ලියොන්; ඔරෙම්, යූටා; පෝර්ට් මෝර්ස්බි, පැපුවා නිව්ගිනියාව; බෙන්ටන්විල්, ආකැන්සාස්; පිලිපීනයේ බැකෝලෝඩ්; මැක්ඇලන්, ටෙක්සාස්; කෝබන්, ග්වාතමාලාව; සහ ටේලර්ස්විල්, යූටා. ආදරණීය සහෝදරියනි, ඔබට ස්තූතියි. ඔබ මෙම සැලසුම් ලැබීම සහ ඔබගේ ගෞරවනීය ප්‍රතිචාරය අපි බෙහෙවින් අගය කරමු.
දැන්, අවසාන වශයෙන්, මම ඔබට ආශීර්වාදයක් ලබාදීමට කැමැත්තෙමි, එවිට ඔබට ලැබී ඇති පූජකත්වයේ බලය ඔබට වැටහෙනු ඇති අතර, ස්වාමින්වහන්සේ සහ උන්වහන්සේගේ බලය කෙරෙහි ඔබේ ඇදහිල්ල ක්‍රියාත්මක කිරීමෙන් ඔබ එම බලය වැඩි කරනු ඇත.
ආදරණීය සහෝදරියනි, ගැඹුරු ගෞරවයෙන් හා කෘතඥතාවයෙන් යුතුව මම ඔබ කෙරෙහි මගේ ආදරය ප්‍රකාශ කරමි. දෙවියන්වහන්සේ ජීවමාන බව මම නිහතමානීව ප්‍රකාශ කරමි! යේසුස්වහන්සේ ක්‍රිස්තුස්වහන්සේයි. මෙය උන්වහන්සේගේ සභාවයි. මම සාක්ෂි දරන්නේ යේසුස් ක්‍රිස්තුස්වහන්සේගේ ශුද්ධවූ නාමයෙන්, ආමෙන්.