Resil li Departamento de Auditorías re li Iglees, 2021

Ex inraarookil was wiitz’in, jo’ naxye chaq sa’ jun k’utb’esinb’il na’leb’ sa’ li tasal 120 re li Tzol’leb’ ut Sumwank, li ch’utam b’ar wi’ taanawmanq k’a’ru taab’aanumanq rik’in li lajetqil—a’an li Xb’eenil Awa’b’ejil, lix Molameb’ li Kab’laju chi Apostol, ut li Obispil aj Jolominel—neke’xk’e xwankil chan ru taa’oksimanq li tumin re li Iglees. Sa’ li junjunq chi ch’uut re li Iglees neke’xjek’i li tumin a’ yaal jo’ naxye sa’ li k’uub’anb’il na’leb’ re roksinkil li tumin, li eetalil k’utb’il, ut eb’ lix b’aanuhom k’ulub’anb’il xb’aaneb’.

Li Departamento de Auditorías re li Iglees, b’ar wi’ neke’k’anjelak tzolb’ileb chi kristiaan ut li moko b’aqb’il ta ru rik’ineb’ li komon chi ch’uut sa’ li Iglees, teneb’anb’il sa’ xb’een xtz’ilb’al rix ma k’uulanb’il chi us li maatan naqak’ul, chirilb’al chan ru natojman li junjunq chi k’anjel xb’aanuman, ut chirilb’al ut chixk’uulankil li eechej re li Iglees.

A’ yaal li auditoría li xb’aanuman, li Departamento de Auditorías re li Iglees naxye naq sa’ chixjunil li k’a’aq re ru, li maatan k’ulb’il, li tumin tojb’il, ut li eechej re li Iglees sa’ li chihab’ 2021 xe’tz’iib’aman resil ut xe’oksiman a’ yaal jo’ naxye li k’uub’anb’il na’leb’ re roksinkil li tumin, li eetalil k’utb’il, ut eb’ lix b’aanuhom k’ulub’anb’il xb’aan li Iglees. Li Iglees naxb’aanu li k’a’ru naxk’ut reheb’ li komon naq ink’a’ k’i wi’chik li taqasach chiru li naqanaw naq taqak’ul, naq ink’a’ taqach’ik qib’ chi k’asok, ut naq taqak’uula b’ayaq choq’ re naq nachal li hoonal re ch’a’ajkilal.

K’utb’esinb’il chi anchal qach’ool,

Departamento de Auditorías re li Iglees

Jared B. Larson

Jolominel re li ch’uut