Te Ukeuke ae Koaua

Patricia: Raoraou ae moan te tangiraki, Francini, ao Ngai bon ti ngaira kaain te Ekaretia n ara reirei i Brazil, ao ti aki toki ni kunea bwa bwaai aika uarereke ake ti karaoi e karika te kaokoro ae bubura.

Iai teuana te aekaki ni bwai ae uarereke are e riki n tain te reirei iaon te warebwai n te Kaonobong are Francini ao Ngai ti uaia ni karekea. N te bong ae raka aei, akea rabwatan Francini. Inanon tain te reirei, ukeuke are ti karaoia tabeua te bong mai mwaina a kaokaki nakoira. I aki bati n mwannanoia ngke e katuka ana ukeuke Francini te tia reirei iaon au taboira n reirei ao ni butiai bwa N na anganna.

Ngkai Francini ao Ngai ti a tia ni kaman maroroakina aron nakoraoin ara iango ae ti a tia ni karaoia n te ukeuke, I rangi ni kubanako bwa ana bwi e rietata riki nakon ae ti kantaningaia. I tara ana ukeuke ao n noria bwa te tia reirei e a tia n aki makena teuana te kaeka ae aki eti ni kaburea. N aki tabe ni iangoia, I tuanga te tia reirei bwa ana bwi Francini e a rangi n reietata.

Tera ae I aki ataia bwa a bane n tarai kain te reirei ni kabane. N te tai naba are I taetae iai, a moanna ni kabuakakai kaain te reirei, n taekinna bwa I boni kairua ni karaoa anne nakon te rao ao bwa I ti tangira au bwi bwa e na rietata riki nakoina.

I mangaongao ao n aki rau n te kaeka. I bon koaua raoi bwa I a tia ni karaoa ae e na kaman karaoia Francini. Ma temanna e taekinna bwa e bon kanganga iroun temanna ni bwaina te kokoaua nakon te waaki teuana are e na karinanoaki iai oin ana bwi teuanne ke neienne. A bane n tarai ni kabane bwa ngai ai te tia kamwanea raraou. I kataia n tuangiia bwa Francini e na bon bwaina te kokoaua ibukin ana bwi ao bwa n te koaua aomata aika a kokoaua a bon maiu naba ngkai n te aonaaba.

Imwin te kauntaeka ae bati, e a tia ni baireia te tia reirei ao kaain te reirei bwa a na kaukeukeira. E taekinna te tia reirei ae e na kawakina buren ana bwi Francini ao bwa e na tataninga ao n noria bwa tera arona nakon te Moanibong.

I aki tangira te iango. I kanamakinna bwa ukeran Francini e aki tau. Ma te tia reirei e a tia ni karaoa ana babaire, ao I aki kona ni bitia.

Ni banen te wiki anne I rangi n ingainga bwa tera ae na riki, e ngae ngke I onimaki bwa e na bon karaoa ae eeti Francini. I korakora n tataro bwa e na nora te kairua n ana ukeuke.

N te Moanibong inanon tain te reire n te warebwai, a bane kaain te reirei n tauraoi ni matakuakina Francini n ana ukeuke.

Francini: Imwin naba teiraken te reirei n te Moanibong, e kaoka nakoiu au ukeuke n te warebwai te tia reirei. Ngke N nang kaaki n aki karaua n taraia raoi, ma rimwi I a tibwa noria bwa au bwi e rietata nakon are I kantaningaia. I katea baiu ao n nakon ana taibora n reirei te tia reirei. I titirakinna ngkana e a tia ni karaoa bwiin au ukeuke ni kaetia raoi, ao e kaeka bwa e a tia. I kotea au ukeuke imwina ao n taku, “Ma I karaoa te kairua.” N te tai naba anne Patricia e kawara naba ana taibora n reirei te tia reirei ao n tuangnga bwa e katuka naba te kaeka ae bure n aki mwakenaki n ana ukeuke ao ma ni kabane kamangaongao n te Kaonobong, e aki tabe n noria.

A waekoa ataein te reirei n te umanreirei ni moana taetaeia n tounako. A tangitang tabeman n taua bwa e a tia n tuangai Patricia ni karaoa anne, ma tabeman a ngare ni kamama. I a rangi ni kamangaoaki ni mwakuri nako aika a kakaokoro nakon bwaai aika riki.

Rimwi riki, e kabwarabwara Patricia te bwai are e a tia n riki n te Kaonobong. I kubanako n ataia bwa I a tia n rinanon te ukeuke ae akea rekerekena ma te warebwai ao raou n te reirei a tia ni kaeka raoraou n te aro anne. E ngae n anne, I kukurei bwa I a tia ni baina te kokoaua ao ana tataro Patricia a tia ni buokai ni waekoa n nora te kairua n au ukeuke. I rangi ni karabwarabwa naba bwa e onimakinai raraou.

Patricia ao Francini: Ngaira ni kauoman ti reiakina te reirei ae korakora man te bwai ae riki aei. E rikirake ara kakoaua n taekan te mwakuri ae kakawaki ae reke irouia Aika Itiaki ni Boong aika Kaitira n riki bwa taan tia kakoaua Iesu Kristo ao banna ni katoto n Ana tua. Ti karabwarabwa nakon te Uea ibukin Ana euangkerio, are e anganiira te tai ni karaoa te kaokoro.