Te Tau ibukin ao Karekean te Nebonebo n te Tembora

Silvia H. Allred, te moan kauntira n aia beretitentii ni kabuta te Botaki n Aine: “Te tembora bon ana auti te Uea. E kaira te aroaro are e na riai ni kabonganaki, otenanti aika a riai ni kammwakuraki, ao te katei are e na katauira n rin. … Taun temanna bon te bwai ae riai ni karekea te kukurei mani kakabwaian te tembora. Ti katauraoira n ongotaeka nakon tuua ao n ukoukora nanon te Atua” (“Tembora aika Tabu, Berita aika Tabu,” Riaona, Nobembwa 2008, 113).

Unimwaane David B. Haight (1906–2004) kaain te Kooram n Abotoro ake Tengaun ma Uoman: “Ngaira ake ti na kawara te tembora ti riai ni maiuakina te katei are e buokira n tau n rin ao ni karekea ae bwanin. … Ti rinanon taura n rin n te tembora inanon … te marooro ma taan kairiiri n te nakoanibonga. Ara tiaina, ma ngaia, n ara beeba ni kariaia nakon te tembora ni kakoaua ibukin taura n rin te tembora” (“Come to the House of the Lord,” Ensign, Meei 1992, 15).

D&C 110:7: “N na kaotai nakoia au aomata n te nanoanga n te auti aei.”

Beretitenti Howard W. Hunter (1907–95): “Ti riai ni waekoa ni kawara te tembora n taai nako n reken te tai ao n riaina ao waaki nako nakon temanna. Ti na nako iai tiaki ti ibukia kaain ara utu ake a tia ni motirawa, ma ti nako naba ibukin kakabwaian temanna n te nebonebo n te tembora, ibukin te kamimitongaki ao te kakawakin are a karekeaki n nanoan oo akanne ake a tia ni katabuaki ao ni karaoiroaki. Te tembora bon te tabo ae tikiraoi, te tabo ibukin te kaotioti, te tabo ibukin te rau” (“The Great Symbol of Our Membership,” Tambuli, Nobembwa 1994, 6).

D&C 38:32: E taekinna te Uea bwa irouia aika a itiaki are e na angania ana tua ao te entaumente ma te mwaaka mai i eta. (tara naba D&C 95:8).

Unimwaane Robert D. Hales kaain te Kooram n Abotoro ake Tengaun ma Uoman: “Kakabwaian te entaumente n te tembora a riai ibukira ngaira n tatabemanira nako n aron naba te bwabetito. Ibukin aei ti riai ni katauraoira bwa ti aonga ni kona n itiaki n rin n ana tembora te Atua. Mwakurin te tembora bon te tai ni karaoan te entaumente ao te berita nakon temanna ibukia aika maiu ao ni karaoi naba taian otenanti aika titebo ibukin kamaiuakiia maate. Bon ibukin aei ae ti tuangaki ni koroboki aika tabu ni katei tembora ao ni katauraoi maiura n tau ni karekei otenanti ao berita n te tembora ae tabu. …

“Oin bukin te tembora ae mona te kakawaki bon karekean otenanti aika riai ibukin karietatakira n te aba n uea ae te tiretio. A kairiira otenanti n te tembora nakon ara Tia Kamaiu ao n anganira taian kakabwaia are e na roko nakoira rinanon Ana Mwakuri ni Kamaiu Iesu Kristo” (“Temple Blessings,” n te Brigham Young University 2005–2006 Speeches [2006], 1, 4).

Beretitenti Gordon B. Hinckley (1910–2008): “Ni kabane te mwaane ke te aine are e nakon te tembora n te anua n tamnei n te nano ni koaua ao te onimaki e kitana ana auti te Uea te mwaane ke te aine ae e a raoiroi riki. Iai kainnanoan te rikirake n taai nako inanoni maiura ni kabane. Iai n tabetai kainnanoan kitanan ana karongoa ao ana kamangaongo te aonaaba ao n nakonako i nanoaan oon ana auti te Atua ae tabu, ikekei n namakina Tamneina n te tabo ae e mimitong ao e rau” (“Of Missions, Temples, and Stewardship,” Ensign, Nobemba 1995, 53).