Iango Ibukin te Bootaki n Utu n te Tairiki

Taian kaoti n taian angareirei aikai a kona ni kabonganaki n umanreirei ai arona naba n te mweenga. Ko na kona ni bwaini iango aikai nakon am utu ke am kiraati.

“Karakin Koroboki aika Tabu ar te bwai ni Kakairi ibukin Maiura,” p. 16: Moanna ni wareka karakin Tawita ao Koria, ni kabongana te tamnei ibukin te karaki. Ngkana ko karakina teuana riki te karaki man te boki ae tabu, kakaei taeka aika “ngaia-ikekei-imwiina.” Karinani aikai iaon te beebwa. Titiraki bwa e kanga te karaki ni booraoi ma ara bong aikai, ao karinani taeka aikai “Ngai-ikai-ngkai.” Maroroakina buokan oin am kamatebwai ke ana kamatebwai te utu ibukin koroboki aika tabu.

“Te Taraaraoi: Te Tua ae Kakawaki: Ibukira ni Kabane n Taai Nako,” p. 28: Katauraoa te reirei aei ma te tataro, ngkai te karaki aei e kona iai rotakim iai. Kabwarabwara te aki kamoamoa ao tera bukina bwa e kakawaki, ni kabonganai mwakoro aika “Tera Te tararaoi?” “Bukin Tera Ti Riai n Tararaoi?” ao “Te Tua ae Akea Taina.” Katuruturua bwa te aki kamoamoa e karekea te iraorao ma te Tamnei ae Raoiroi. Karakina te karaki man te mwakoro “Kakabwaia a Ikotaki ma te Tararaoi,” ao kaoia kaain te utu bwa ana tibwauai kakabwaia ake a tia ni karekei ke n nori mani kabonganaan kunnikai aika riai.

“Kataia Karaoia n Taainako,” p. 36: Wareka te karaki, ao tuangiia kain te utu bwa ana koreia ni karinani aroaro aika a tangira te ninikoria. (Ko na bae n tangira kabwarabwaraan te taeka ae ninikoria nakoia ataei aika a uarereke. Karaki n te iteraniba R6–R7 boni katoto aika a raraoi.) Maroroakinna bwa a kanga mitinare ni karekea te ninkoria ao ana kanga kaain te utu ni kabongana te aekaki ni iango anne nakon taian aroaro ake a korei.

“Karaoia Karaoia n Taainako,” p. 38: Katoai baia kain te utu ma te taara. Tuangaiia n tatabemaniia bwa ana nikuma te taara ma baia teaina ao are teaina iakuiia, ao taraia bwa antai ae baititi riki ni karaoia. Tibwaua te karaki mani maiun Unimwaane Octaviano Tenorio. Maroroakin kateina aika a buokia ni karekei kouru are e uaiakin. Tuangiia kaain te utu bwa ana nikuma te taara ma baia ni kauaai imataia. Maroroakinna bwa e aera ngkai e na ibuobuoki ni karekea riki ae raoiroi nakon mwiin te mwakuri kamanenaan raoi korakorara.