Ana Beeba Iotebwa Timiti Booki Ake A Kawakinaki Iai Moan Kaotioti

Aekakin karinanin kanoan te boki ae atunaki “Revelations and Translations” e na manga kaoki n aroia ana kaotioti ao ana raitaeka Iotebwa Timiti, n ikotaki ma beeban rongorongo aika bwainaki ngkai n aron are e koreaki n ana tai ni maiu. A raonaki booki aikai ma te moan boki n Ana Boki Moomon (1830); te moan boki n rongorongon ana kaotioti Iotebwa Timiti, e atongaki bwa te Book of Commandments (1833); ao moan te boki ibukin te Doctrine ao Covenants (1835).

Teuana mai buakon ana kainibaire te Burabeti ae moan te kakawaki i mwin babairean te Ekaretia n 1830 bon rawean ao kamanoan kaotioti nakoina. E ngae ngke nakoraoin kawakinan bwaai akea ni karokoa 1832, a moanna ni boboti kaotioti ake e a tia te Burabeti ae Iotebwa Timiti ni karekei i mwaain te tai anne. N te tai ae Maati 1831, e moana karaoan katooton kaotioti n taai akekei John Whitmer nakon te boki ae aranna bwa te “Book of Commandments and Revelations.” Te boki aei, te Papers (Beeba) e a tia te tia kororongorongo n aranna bwa te Revelation Book 1 (Te Boki Are Kawakinaki Iai Kaotioti), iai i nanona bwaai ake a raweaki i nanon te namwakaina ae Maati 1831 nakon nuukan 1835.

E kariaiakaki n tain ana maungatabu te Ekaretia n Nobembwa 1831i Ohio bwa e na karaoia nakonte boki kaotioti ake a tia ni tauaki mwiia, John Whitmer ao Oliver Cowdery a uota te “Book of Commandments and Revelations” nako Missouri are ngaia, ma W. W. Phelps, a bairea aron boretiakin A Book of Commandments (tara D&C 67). Ni moan te 1832, man te moan boki n te kaotioti i Missouri, Iotebwa ma raona ni mwakuri a manga karaoa riki te boki are a na karin inanona kaotioti. E ataaki n arana ae te “Kirtland Revelation Book (Te Boki Are Kawakinaki Iai Kaotioti i Kirtland),” e a tia n aranaki te kauoua ni boki aei bwa te Te Booki Are Kawakinaki Iai Kaototi 2 man te Beeba taian eteta. E moan karaoaki inanon banen Beberuare ke ni moan Maati 1832 nakon tokin 1834. Te moan ni boki n te Revelations and Translations Series e kaoti kakaawakin booki aika uoua aikai ibukin beeban taian kaotioti.

Rinanon kamatebwaiakan raoi, Ana Beeba ni Mwakuri Iotebwa Timiti a tia ataein te reirei ni kunea bwa te “Book of Commandments and Revelations” bon te moan bwai ni kakoaua ibukin te booreti n 1833 n te boki ae A Book of Commandments ao booki aika uoua aika te “Book of Commandments and Revelations” ao te “(Boki Are Kawakinaki Iai Kaotioti i Kirtland)” a riki bwa aan te moan boki ae te Doctrine ao Covenants n te 1835. A aki manga kabonganaaki booki aikai i mwin boretiakin te Doctrine ao Covenants ma a kawakinaki raoi ma ana rekooti te Ekaretia ake tabeua. Kaotioti ake i mwina a tauaki mwiia n ana tienero Iotebwa Timiti ao booki n tauan rongorongo, ao i nanon naba aia beeba bitiobi, Abotoro, ao taan iriiriia ake tabeman.

I mwin boretiakin te Doctrine ao Covenants n te 1835, booki aika uoua aikai a moanna n aki kabonganaaki bukina bwa a tauraoi booki ake a tia ni boretiaki. E ngae n anne, ma ataein te reirei n ririki aika aki maan n nako a tia ni karekea te nano ae korakora ni kan ukoukori ana koroboki Iotebwa Timiti i aon ana kaotioti. Te Booki Are Kawakinaki Iai Kaotioti 2 e tuai kona n noraki ni karokoa e booreti katooton beeba ni kakoaua te Ekaretia bwa mwakoron ana ka 2002 Selected Collections from the Archives (Bwaai n Reirei man te Archives Ake A Tia n Rineaki) bwaai n reirei n te DVD.¹ Bon i nanon ririki aika aki maan n nako ae a tia naba ataein te reirei ni moana rinanoan te Revelation Book 1 (Te Boki Are Kawakinaki Iai Kaotioti), are e mena iaan ana tararua te Moan Beretitentii.

Te Booki Are Kawakinaki Iai Kaototi 1 iai i nanona katooton kaotioti n taai ake rimoa aika mwaiti ao, n taai tabetai, bon ti katooton koroboki aika a kona ni kuneaki n taai aikai. Bon bwai ni kakoaua ibukin taian kaotioti aika boretiaki n ana moan beeba ni kaongora te Ekaretia The Evening and the Morning Star (Itoin Te Tairiki ao te Moaningabong). Aua bana aika a tia ni kanakoaki man te boki ma a bon bwainaki n taai aikai iroun te Community of Christ Library-Archives in Independence, Missouri, ao a tia ni manga kaokaki man ana kariaia Joseph Smith Papers.

Te Boki Are Kawakinaki Iai Kaototi 1 bobotakin rongorongon kaotioti ake ngkoa ae a kaan tia, aika iai i nanona 64 man taian kaotioti ake 65 ake a boretiaki n te 1833 i nanon A Book of Commandments² n raonaki ma 95 mai buakon 103 te mwakoro ake a boretiaki n te 1835 i nanon te Doctrine ao Covenants. Ti 10 bwaai man te boki ae a aki oti i nanon A Book of Commandments ke te 1835 Doctrine ao Covenants.

Teuana mai buakon ana kantaninga Iotebwa Timiti ibukin rinanoan te boki i mwaain boretiakiia bon “kaetan buren ke kaairua ake e nori man ana mwakuri te Tamnei ae Raoiroi.”³ E ataia Iotebwa man ana atatai i aon ana mwakuri te aomata ibukin korean taian kaotioti, karinakiia nakon te boki, ao kanakoakiia nakoiia aomata aika kakaokoro ibukin katauraoana nakon boretiakina e bon kakoaua bwa a na bon akea te kaairua ae na kona n riki n tia te kantaninga. N tabetai ao iai kainnanoan karaoakin te bitaki ibukin kamataatan te taeka. N tabetai, ao kaotioti ake i mwina a kona ni kamaunai ke ni manga kabooui kaotioti ake a kaman reke, ni kona ni manga rinanon beeba ni kakoaua bwa e aonga ni kona ni bitaki ake mai mwaaina. A mwaiti naba bitaki aika a tia ni karaoaki man te tai teuana nakon teuana. Angiin bwaai aikai, n aron tibwaan kanoan te boki nakon taian kibu ke kamataatan nanon taeka, a aki irekereke ma bitaki aika kakaawaki.

E tara n ae e tarai rongorongon te kaotioti Iotebwa bwa ana kabanea n tamaroa ni mwakuri ae e a tia ni karaoi ibukin rawean bwanaan te Uea n irekereke ma aron te reitaki ae atonga Iotebwa bwa te “aki kokoaua, uruaki, maenako, ao te taetae ae aki koaua” ibukiia aomata.⁴ Te moan kabwarabwara are e kaokaki nakon kaotioti ake a tia ni boretiaki e tara naba ni kamataata te tua aei, are e katanoata te Uea bwa Ngaia te Atua ao e a tia n taetae, bwa tuua aikai bon mai Irouna ao a tia n anganaki ana toro ni mamaaraia ni kaineti ma aron aia taetae (tara D&C 1:24).

Iotebwa ma raona ni mwakuri a rineaki n tain maungatabu ake a kakaraoaki ni katauraoi kaotioti ibukin boretiakiia ibukin kaetakin te rongorongo. Te kamatebwai ae karaoaki n te tai ae aki maan n nako i aon booki ake a kawakinaki iai moan kaototi e kaota aron karaoan ao tain karaoan bitaki aika mwaiti. Te katooto, tabeua bitaki a karaoaki i mwaain boretiakin kaotioti ake a tia n rineaki bwa a na boretiaki i Missouri, ma a karaoaki ake tabeua i Ohio i mwaain karaoan te Doctrine ao Covenants n te 1835 .

Teuana te katooto ae rang ataaki bon bitaki ake e karaoi Sidney Rigdon. E akit toki ni biti taekan taian kaotioti man taeka aika kabonganaki n te baibara ni kawai n aron “thee,” “thy,” ao “thine” nakon taeka aika boou n aron “you,” “your,” ao “yours.” Angiin bitaki aikai a tia ni manga kaokaki nakon aroia. E kaeti naba tuan te taetae ao ni biti tabeua taian taeka ni kamataatai ao ni biti taeka ao nanoia nakon taeka aika bwainaki n taai aikai.

N tabetai, a mwaiti bitaki aika kakawaki ae a manga tia n rinanoaki ibukin te Doctrine ao Covenants n te 1835. Te katooto teuana, e reke te mwakoro 20 n te 1830, i mwaain katean aron babairean aron te kairiiri n te Ekaretia n aron ae ti ataia n te bong aei are e kaokaki nakon Iotebwa Timiti. N te 1835 e a tia Iotebwa ni barongai aobiti ao kooram aika mwaiti man te kaotioti. Karinan te kaetieti ae boou ae kaokaki, tabeua bitaki ao karinrin n te boki ae a karinaki n te mwakoro 20. Kiibu aika boou 65–67 i aon katabuakiia mwaane nakon te aobiti n te nakoanibonga, te katooto, e a tia ni kaokaki i mwin boretiakinana n 1833 a manga tibwa karinaki n te boki are boretiaki n te 1835.

E a manga rinanoi aia bitaki raoraona Iotebwa Timiti ao ni karaoi bitaki n oin ana koroboki imwaain ae boretiaki A Book of Commandments n te ririki 1833. E karaoi riki bitaki, n aron karinakin aran aia karo nakoia ake a taekinaki n te kaotioti, i mwaain ae boretiaki te Doctrine ao Covenants n te ririki 1835.

N tabetai i nanon 1834–35 i Kirtland, Ohio, ao e kabonganaaki Te Boki Are Kawakinaki Iai Kaototi 2 ibukin katauraoan te 1835 Doctrine ao Covenants, ni kabane ma ti ibukin kaotioti ake waniua ae a boretiaki n te boki are n te 1835. Ma te kaokoro ikai, bwa ti teniua kaotioti ake a karinaki nakon te boki are a boretiaki i nanon A Book of Commandments n te ririk 1833. Uoua mai buakon booki n te kaotioti ake a moan boretiaki n te 1844 Doctrine ao Covenants.

Iai bitaki tabeua ake a karaoaki i mwin bitaki ake a karinaki n te Doctrine ao Covenants are boretiaki n te 1981 ae e irekereke ma bitakin taeka, ma te bitaki ae korakora e riki man ana kairi te Burabeti Iotebwa n te boki are n 1835.

Kaetakin booki ni kawai aikai, Papers (Beeba) a tia taan kororongorongo n aki kamanoi rongorongo aika boou. Te katooto, ataein te reirei ake iai nanoia ni kan ata rongorongon maiun Iotebwa Timiti a tia n rangin n onimakina ti te namwakaina ae bongingaki ni kaotioti n taai akekei. Te Boki Are Kawakinaki Iai Kaototi 1 e katauraoi bongin namwakaina ibukin kaotioti aika mwaiti aikai. I rarikin anne, ao a na moan rongorongo ibukin rongorongon taai ake ngkoa John Whitmer ibukin kaotioti aika mwaiti e anga naba rongorongo aika kakawaki ibukiia ataein te reirei.

Rinanon te mwakuri ni kakaae ae karaoaki, a tia taan kororongorongo ni kona ni kinai angiin koroboki n te tabonibai i aon iteraniba n te boki. Ngke e boretiaki te Revelations and Translations Series, a na karinaki tamnein beeba ni kakoaua ma kabwarabwaraaia i moan te iteraniba. N te aro, are a na kona taan wareware ni kinaa te koroboki n te tabonibai, bitaki ake a karaoaki, ao riki ikotakin bwaai ni kakoaua ma e aki kainnanoa ae na mwaatai i aon kinaakin koroboki n tabonibai. Bitaki ake a karaoaki n te moan beeba ni kakoaua a na kanikinaeaki n te kara n te aro are a na kai kinaaki bwa antai ana koroboki ane oti iaon te beeba.

Teuana te bwai ae rang kakaongora ibukin te bwai ae riki n te mwakuri i aon te Revelations and Translations Series bon kinaakin kaotioti mai mwaaina aika a tuai boretiaki i aon karekean te kariaia ibukin kaobinakin Ana Boki Moomon i Canada. I mwin ae kitana te Ekaretia David Whitmer, ao e manga taekina te berita n te kaotioti ibukin kariaiakan kaboakinakoan te boki, ma n okiia mwaane ake a katabeaki ma te mwakuri, Iotebwa Timiti ma raona ake tabeman a rang un n noran te bwai ae te kabwaka. Taan kororongorongo ngkoa a tia n onimakin aia rongorongo David Whitmer, Hiram Page, ao William McLellin i nanon tebuina te ririki ma bon akea raoi taekan te kaotioti ae a tia ni karekea. Revelation Book 1 (Te Booki Are Kawakinaki Iai Kaototi) a na kona n reke iai.

E ngae ngke ti tuai n ata raoi te karaki ni kabane, riki i aon oin ana iango Iotebwa Timiti n te bwai aei, ti ataia bwa atongakin te reitaki mai karawa bwa te “kaotioti ae kabwaka” e aki kakoauaaki. Ana babaire te Uea e taekinna bwa nakoraoin kaboakinakoan te kariaiakaki e boboto i aon korororaoia naake a ukoukora aron karaoan te bobwai n raonaki ma tauraoin nanoia ni butimwaea te tamnei naake a tauraoi ni kabooa.⁵

Rinanoan ao kaetakin bokin taekan kaotioti n te Ekaretia n taai akekei e kaota teimatoan rereken kaotioti nakon Iotebwa Timiti. Beeban tauan mwin te kaotioti e kaotia bwa a kanga aomata ni kataia ni kakoauai iango ao reirei ake e karekei Iotebwa bwa a tauaki raoi mwiia ao ni boretiaki n akea kairuaia—te kawai ibukin boretiakin te mwakuri e na kaangaanga aron reken te kaairua iai. N taai tabetai, ngkana te kaotioti ae boou e bitaki ke ni manga rinanoaki are e a kaman tia ni karekeaki, e na kaeta te kaotioti are e a kaman tia ni koreaki te Burabeti ni kaota te bitaki ae boou. Ngaia are, ngkana e kakoauaaki te reirei are e a tia ni karekea e kakoauaaki ao e rikirake, kanga ai bon aron naba te kaotioti are e a tia n tauaki mwina. A kona ni kakoauaaki man bitakin ana atatai i aon taekan te bwai are e taekinaki. E aki kakoaua te kaotioti anne te Burabeti, n te tai are e a manga kaokaki ao e aki kona ni manga bitaki n te kaotioti riki teuana.

Kawakinan ao boretiakin booki ake a kawakinaki iai moan kaototi e katauraoi bwaai n reirei ibukiia ataei ake a kamatebwaia rongorongon ngkoa te Ekaretia. Te mwakuri aei e na anganira te atatai bwa a kanga ara kaotioti ake a tia ni kabutaki ni baireaki ao ni boretiaki, n raonaki ma ataakin te bwai n ana iango ao te bwai ae kani karaoia Iotebwa Timiti. Reirei man booki aikai ibukin kaotioti e na karikirakea tiaki ti ara atatai ma ara kakoaua naba n ataakin ana babaire te Uea ibukin teimatoan te kaotioti are E na buoka kainnanon te Ekaretia ae aki bibitaki man rikirake.