Reken te Tai ni Bitaki

I a tia n riki bwa kaain te Ekaretia inanon itiua ririki. Inanon taai akanne, I a tia n taai nako n ataia bwa aio bon ana Ekaretia ni koaua te Uea Iesu Kristo, ma n te taina inanon maiu, I bon aki rangi ni kakaonimaki.

E moan riki te kangaanga ngke a mwaewe ara utu nakon te kaawa ae boou. Ti kabanea tabeua namwakaina n ataan ana tabo te autinibootaki are ti riai n nako iai ma tabeua riki wiiki ao ti a moana nakora. I aki bati ni kukurei ibukin te bitaki, ao imwin tabeua wiiki, I aki manga iri.

Te bong teuana ao I a karina ni kawaraki iroun au bitiobi. E kaoai n nakon te taromauri n te Taabati ao ni kaea te tieminari. I baireia ni butimwaai taiani kakao aikai.

Tabeua te wiiki imwin moan okiu nakon te ekaretia, e a kabwarabwara te bitiobi nakoiu te buroukuraem ae te Beku nakon te Atua. E kamataatai kanoana, ao e a moanna n unga nanaou ni moana waakinana.

I moanna ni kanoai mani katiai taian kouru ake inanon te boki ae uarereke. I a moanna n ataia bwa te burokuraem ae te Beku nakon te Atua e bon buokai ni bita maiu ni katamaroa riki. I a kakaonimaki riki nakon te Ekaretia ma n tangira te nanakon te tieminari. I a kataia ni maiuakina taian kainibaire n te Ekaretia n ae tamaroa riki, ao I tangiria ni wareki koroboki aika tabu ao te Riaona

Ngke I moana te burokuraem ae te Beku nakon te Atua, I katei taian kouru n aron te nako ni mitinare ao iriiran te waaki ni katauraoi ibukia Aomata aika Itiaki Benemérito de las Américas, n irianaki ma tabeua riki kouru. Imwain te kamwaitoro ae nako, I a tia ni karekea te kanuanga n te Beku nakon te Atua ao te Nakoanibonga ae te Merekitereka, ao N na waekoa n nako ni mitinare.

I kaitaua Tamau are i Karawa ni katoa bong ibukin anganakiu te tai ni bitaki ao ma n riki bwa kaain Ana Ekaretia ae tau. I kakaitau ibukin taian burokuraem ao taan kairiiri n te Ekaretia ake a buokai ni bitaki.