Nakomai Ongora ni Bwanaan te Burabeti
A Kabwaia Taanraoi
Man te maroro are anga n te Brigham Young University ni Beberuare 6 1994.
Ngkana ko tara am beebwa ni kaongora ao am terewition, ko aki bati n nora taekan te raoi. Ni katoa bong te rongorongo e onrake n taekan te kiriwe n kabutaa te aonaaba.
E taku te Tia Kamaiu, “Ana kabwaia ni kabane taan raaoi, bwa ana aranaki bwa natin te Atua” 3 Nibwaai 12:9
Ngke I wareka anne n au tai n ataei, I boni iango ibukin te berita. Bon akea tangiraoina ae mimitong. Ma I a noria ngkai bwa te berita e mimitong ao e koaua. Naake a na reke irouia te maiu ae akea tokina bon natin te Atua.
I kakoaua bwa te Atua e kinako. E kawakiniia ni kabane akana irarikim, ao e tangiriko. Ngkoe bon te tia iriria, ao anne ae karikiko bwa te banna ni katoto nakoia aomata. Ngkana ko mwakuri ma te onimaki man anga te euangkerio ao te raoi nakoia akana irarikim, ana kona maiai n namakina ootan te Tia Kamaiu. Kona bae n tia ni kotea te kawai.
I kakoua nakoimi bwa te Atua e maiu; Iesu bon te Kristo. I namakina ana tangira nakoimi. I ataia ae taekina te koaua ngke kangai, “A kabwaia taan raoi.”
Te Bootaki n utu n te Tairiki ae akea te Raoi iai
Iai teuana te tai n te mweenga ni kabane ae na bon roko iai kainnanoan te tia raoi. Beretitenti ao Titita Eyring iai natiia aika aman mwaane ao uoman aine. Teuana te tai ngke a uarereke natiia, e anga te reirei n te bootaki n utu n te tairiki Beretitenti Eyring ibukin taekan te rau. Ngke tabe n anga ana reirei, ao e nooria uoman natina aika uarereke n totoubeka irouia! Ma ngke a ikawai ataei aikai, a rabakau aroia n riki bwa taan raoi ao a riki ngkai bwa rao aika a rangi ni itangitangiri mani ibuobuoki imarenaia.
N ningai ae n tabetai am utu e tangira te tia raoi? Tera ae ko kona ni karaoia bwa kona buokia iai?
E Tangiraki te Tia Raoi!
Aio te anga ae kainnanoaki iai te tia raoi. Katei tamnei ni kaetii man te moan nakon te kabanea bwa ko na nora iai nanon te tei ni kan riki bwa te tia raoi ae na rekereke iai ana utu.
A
B
C
D
E kanga n reke iroura Taeka ni KAKABWAIA
“A kabwaia taan raoi” bon teuana mai buakon ana reirei Iesu ae aranaki bwa “Taeka ni Kakabaia” (tara Mataio 5:1–11). Taeka ni Kakabaia bon taiani kawai ibukin te maiu ae kakukurei. N aroia ae okoro a taekina aron te kakabwaia ae reke iroura ngaka ti ira nanon te reirei ae kaineti nako iai. Aio bukin ae reke iroura Taeka ni Kakabaia.
1. N te bong teuana, te mwaiti n aomata e ririmwiin Iesu. A tia n ongo bwa E kona ni katoki aorakiia aomata ao e karaoi kakai riki tabeua. A kan ongora n ana reirei.
2. E mena irarikin te katabuki, ke te maunga. E rierakea te maunga teutana ao e anga ana taeka ke ana reirei.
3. N ana kabwarabwara, Iesu e tuangiia aomata aroia ni maiu bwa e aonga ni kakabwaiaia te Atua. Te taeka beatitude nannona “kona kukurei” ke “kona kakabwaiaki”
4. Te reirei are e anga Iesu n te bong anne e aranaki bwa te Kabwarabwara iaon te Maunga. I mwiin utina man te mate, ao Iesu e anga te reirei naba anne nakoia aomata n aban Amerika ngke nako ni kawariia (tara 3 Nibwaai 12:3–11).
Uean te Raoi, iroun Simon Dewey; tamnei te rube n te kai ni koro tamnei © Corbis; Kab…warabwara iaon te Maunga, iroun Harry Anderson; koro tamnei iroun Beth Whittaker