Takakaro mani Booki aikaTabu ibukin Bootakin te Utu n te Tairiki

Ngke a tuai n tau natira ibukin te reirei, ti aki toki ni mangao mangaia ibukin kairaia n tain ara bootaki n utu n te tairiki bwa ana kakauongo raoi. N te wiki teuana ngke ti bairea ara reirei ibukin te ongotaeka, ngai ma kainnabau ti boraraoi bwa ti na tibwaua karakin Amon. Ti namakinna naba bwa ngke ti a tia n tibwaua te rongorongo man te boki ni karaki ibukin Ana Boki Moomon, ti riai naba ni kataia ni karaoia n aron te kaotioti. Ti booti bwaai n tatakaro aika taiani man bwa tiibu ao ti karaoa te kabaang man te beebwa. A rangi n tangiria natira ao aki toki n tatangira karaoana. Inanon naba te wiki anne ao a titiraki bwa te karaki ra ae ana kaotioti iai nakon te Moanibong ae na roko.

N ririki aika imwina, ti karina karaoan te “kaotioti mani karakin te boki ae tabu” n ara bootaki n utu n te tairiki tabeua te tai. Natira aki toki ni buokiira ni katauraoi bwaina aika bebete imwiin rinanoan te karaki n tain warekan te boki ae tabu inanon ara utu. Ti noria naba ni kateitea kain te kaotioti n aia tai n takakaro.

Ti karaoi kaotioti ibukin Nibwaai ngke anai taiani bwatua, Noa ngke e kabaa te aake, Tawita ngke kaitara Koria, te waaki are a kaitara mangaia taiani bwaeonia, ao a mwaiti riki. Ti katerei moan tuan te euangkerio man taiani katoto aikai, ao natira a kona ni kaota aron Tamara are i Karawa ni buokiira n aanga aika aekakin aikai n taai aikai.