ʻE Lava Ke u Hoko he Taimí ni ko ha Faifekau! Fai ʻe Hikari Loftus mo Hilary Watkins Lemon

ʻOku feinga ʻa ʻAna ke muimui he ngaahi sīpinga ʻa e kau faifekaú. Muimui he fakahinohino ʻi laló ke ne lava ai ʻo fai e ngaahi fili ʻe tokoniʻi ai ia ke hoko ko ha faifekau he taimí ni.

Meʻa Te ke Fie Maʻú: ko ha foʻi lulu pe laʻi pepa ʻe ono kuo fakafika mei he 1 ki he 6 kuo faʻo ʻi ha kiʻi tangai pepa; foʻi koini ʻe taha, tengaʻi piini mōmoa, pe ngaahi meʻa iiki maʻá e taha kotoa.

Founga ʻo e Vaʻingá: ʻE toʻo ʻe he tokotaha vaʻinga kotoa ha kiʻi meʻa siʻisiʻi ke ne fakaʻaongaʻi ko ʻene meʻavaʻinga. Te nau taufetongi hono tekaʻi ha foʻi lulu pe toho ha fika mei he tangaí, pea ʻunuʻi ʻaki hoʻo meʻavaʻingá ʻo fakatatau ki he lahi e foʻi fiká. Kapau te ke aʻu ki he meʻa ʻoku talamai ai ha meʻa kau ki he ngāue fakafaifekaú, toe tānaki atu mo ha foʻi ʻunu ʻe taha ki muʻa. Taufetongi pē kae ʻoua ke kolosi e taha kotoa he laine fakaʻosí, ʻa ia ʻoku tali mai ai e kau faifekaú!