Maʻu e Loto Vēkeveke ke Lau e Folofolá

ʻOku fie maʻu ke tau lotua ke tau loto vēkeveke ke lau e folofolá pea maʻu mo e tataki ʻa e Laumālie Māʻoniʻoní. ʻOku fie maʻu ke tau fiefia ʻi he folofolá; ʻa ia ʻoku ʻuhinga ia, ke fiefia he folofola ʻa e ʻOtuá pea ongoʻi ʻa e ʻofa ʻoku ʻomi ʻe hono ngaahi pōpoakí maʻatautolú. ʻOku totonu ke tau fai ha meʻa lahi ange ʻo ʻikai ko hono laú pē, koeʻuhí ko e fakakaukaú ke tau manako kotoa ʻi he ongoongolelei fakaofo ko ʻení.

Ko e taimi kotoa pē te ke fekumi ai he folofolá, te ke ako lahi ange, pea te ke lava ke ʻiloʻi ai e finangalo ʻo ʻetau Tamai Hēvaní. ʻOkú Ne faʻa tali mai ʻetau lotú ʻi he ngaahi folofola ʻoku fakaʻaongaʻi ʻe he Siasí. ʻOku lava ke tau ʻilo ko e taimi kotoa pē ʻoku tau ongoʻi nonga ai mo maʻu e ngaahi fakakaukau ʻoku tataki fakalaumālié, ko e haʻu ia mei he Tamai Hēvaní ʻo fakafou mai he Laumālie Māʻoniʻoní (vakai, T&F 8:1–3).