Ko e Kofu Totonú

Naʻe ʻave ʻe he fineʻeikí ʻa ʻAna ke fakatau mai hano kofu foʻou.

Fēfē ʻa e kofu ko ʻení?

ʻIkai, mālō.

Fakaʻofoʻofa, ʻokú ke saiʻia he kofu engeenga matalaʻi ʻakaú pe ko e kofu pulepule kulokulá?

ʻOkú ke saiʻia he ngaahi lanu ko ʻení. Ka ko e hā e lanu te ke saiʻia aí?

ʻOku ou fie maʻu ha taha ʻo e ngaahi kofu ko ʻení ke u hangē pē ko e kau faifekaú.

Sai. Ta sio pe ʻe maʻu ha kofu ʻe feʻunga mo koé.

Naʻe saiʻia ʻa ʻAna ʻi he ongo faifekau fefine ʻi honau uōtí. Naʻa nau lulululu he lotú, peá na malimali kiate ia he taimi naʻá ne taʻataʻalo atu ai he halá, peá na lotu mo hono fāmilí ʻi he taimi naʻá na haʻu ai ki he maʻu meʻatokoni efiafí.

Naʻe ʻikai ke faʻa tatali ʻa ʻAna he ʻaho Sāpaté ke sio e ongo faifekaú ʻi hono kofu foʻoú. ʻI heʻenau fetaulaki he lotú, naʻá ne kiʻi māfulifuli holo ke na sio ange.

ʻOku ou hangē pē ko kimouá he taimí ni!

ʻOkú ke hangē pē ko kimauá.

Pea ʻoku ʻikai ke ke fotu pē ʻo hangē ha faifekaú; ko ha faifekau koe!

Naʻe talamai ʻe hoʻo faʻeé naʻá ke lotua kimaua he uiké kotoa ʻo hangē ko e meʻa naʻá ma kole atu ke ke faí. Pea sio ki hē! ʻOkú ma haʻu ʻeni mo ha taha ki he lotú he ʻahó ni. Naʻe tokoniʻi kimaua ʻe hoʻo lotú.

Fakamālō atu ki he faifekau ko ʻAná.