2012
Pagbatyag sa Espiritu Santo
Marso 2012

Pagbatyag sa Espiritu Santo

Ni Chad E. Phares

Gibase sa usa ka tinuod nga istorya

“Pinaagi sa gahum sa Espiritu Santo kamo mahimo nga masayud sa kamatuoran sa tanan nga mga butang.” (Moroni 10:5).

  1. Benson, hain ka? Oras na para matulog.

  2. Dili ko gustong matulog.

    Nganong dili man?

    Tungod kay naay kalag sa akong kwarto.

  3. Walay kalag sa imong kwarto.

    Sigurado ka?

    Sigurado ko.

  4. Dad, unsa ang Espiritu Santo?

    Nindot kana nga pangutana.

  5. Ang Espiritu Santo mao ang ikatulo nga sakop sa Dios nga Kapangulohan. Ang Iyang trabaho mao ang pagtabang kanato nga mobati kon unsa ang gusto sa Langitnong Amahan nga atong mahibaloan ug buhaton.

    Makahahadlok ba Siya?

    Dili, ang Espiritu Santo dili gayud makahahadlok. Dili kita makakita sa Espiritu Santo, apan atong mabatyagan nga duol ra Siya. Magtabang Siya kanatong mobati og kalipay.

  6. Sigi, karon piyonga na ang imong mga mata. Oras na para matulog. Gipangga ko ikaw.

    Gipangga sab ta ka. Ug sa akong pagtuo akong nabatyagan ang Espiritu Santo.

Mga paghulagway pinaagi ni Scott Peck