Mga Susama og Kahulugan: Paghinulsol

Ang mga mamumulong sa komperensya sa kanunay nagtudlo og pipila ka susamang mga baruganan: Ani ang gihisgutan sa upat ka mamumulong kabahin sa paghinulsol. Sulayi sa pagpangita og uban pang susama og kahulugan samtang kamo nagtuon sa mga pakigpulong sa komperensya.

• “Kon aduna kaninyo ang nadagma sa inyong panaw, gusto nakong masabtan ninyo sa walay pagpangutana nga adunay paagi sa pagbalik. Ang proseso gitawag og paghinulsol.”¹—Presidente Thomas S. Monson

• “Tingali maghunahuna mo nga sa panahon sa problema dili kamo angayang luwason tungod kay nakahimo mo og mga sayop, dako o gamay, ug naghunahuna nga karon nahisalaag na kamo. Dili gayud na tinuod! Ang paghinulsol lang ang makaayo kon unsay nakapasakit.”²—Presidente Boyd K. Packer, Presidente sa Korum sa Napulog Duha ka mga Apostoles

• “Bisan kinsa pa kamo ug bisan unsay inyong nahimo, kamo mapasaylo. … Mao kini ang milagro sa pagpasaylo; mao kini ang milagro sa Pag-ula ni Ginoong Jesukristo.”³—Elder Jeffrey R. Holland sa Korum sa Napulog Duha ka mga Apostoles

• “Pinaagi lamang sa paghinulsol nga atong maangkon ang maulaong grasya ni Jesukristo ug kaluwasan. Ang paghinulsol usa ka balaang gasa, ug kinahanglan nga adunay pahiyom sa atong mga nawong kon kita maghisgut niini.”⁴—Elder D. Todd Christofferson sa Korum sa Napulog Duha ka mga Apostoles.