Usa ka Makadasig nga Kasulatan

Sa matag higayon nga ang akong mama gustong mohatag kanamo og makadasig nga mensahe gikan sa mga kasulatan, siya mokutlo sa Alma 37:37. Iya na kining napaambit sa daghang higayon nga sa matag sugod niya og basa niini, among i-recite dungan kaniya tungod kay namemorya na namo kini.

Kanunay kong maghunahuna nganong kanunay niya kining ipakigbahin kanamo—oo, nahibalo na kami nga kinahanglan kaming mag-ampo ug magmapasalamaton sa inadlaw namong pagpakabuhi. Apan ang nakatandog kaayo sa akong kasingkasing mao kadtong pagkaamgo nako sa katapusan nga gusto lamang sa akong mama nga dili gayud kami makalimot nga ang Langitnong Amahan ug si Jesukristo kanunay nga nagbantay kanamo.

Sa matag higayon nga anaa ko taliwala sa mga pagsulay ug kalisdanan, dili gayud ako malimot sa pagbasa niana nga kasulatan. Kanunay kong mahinumdom sa kamahigugmaon sa Langitnong Amahan ug ni Jesukristo. Kinahanglan kong magmapasalamaton sa tanan nakong panalangin. Kanunay nakong hinumduman kon giunsa pag-usab sa akong mama ang akong panglantaw sa pag-ampo ug sa pagkamapasalamaton bisan sa mga pagsulay.