Na Timi ni Matavuvale

E rarawa o Ammon ni oti mai na sara qito kei Tamana. “Au sega ni taura rawa,” a kaya. “Ni levu tu na noda dauqito vinaka. Cava tou sega ni rawa kina ni sikoa?”

O tamaqu a dauqito vutupolo vinaka. E rawa ni veivuke o koya.

“Au nanuma e gadrevi meda vulica na cakacaka vata vakatimi,” a kaya o Tamaqu. “Eda vinakata taucoko meda sikoa, dina?”

“Io,” a kaya o Ammon. “Ia ena sega ni rawa meda sikoa kece. Qori beka na ka o nanuma?”

A deguvacu o Tamaqu. “Ena sega ni rawa mo sikoa ga vakataki iko. Matai me ratou rawata laivi na polo o iratou na tataqomaki mai na timi ka dua, dina?”

A dredre o Ammon. “Sa ka dredre sara mo sikoa ke sega na polo.”

“Dina,” a kaya o Tamaqu. “Sa qai solia o koya a tataqomaki vua e dua ena rawa ni sikoa. Sega ni rawa me dua e cakava duadua ga.”

“Au nanuma vakakina,” e kaya o Ammon.

Ni rau yaco ki vale, a tauri gone lailai tiko o Tinaqu ni cakava tiko na vakayakavi. “Sa vakacava na qito?” a taroga.

“Se baci lusi tale,” a kaya o Ammon. “Ia eda na vinaka cake ena qito e tarava.”

“Oqori na vakasama vinaka,” e kaya o Tinaqu.

“Au sa via kana!” A kaila a Miguel, ni cici vata mai loma kei Samuel kei Lucas.

“Ra cauravou, dou rawa ni vakarautaka mada na teveli ka biu laivi na iyaya ni vakatatalo?” A kerea o Tinaqu.

E ratou kudru mai na cauravou.

“Au a sega ni qitora tiko na iyaya ni vakatatalo,” a kaya o Samuel.

“Sa na dede sara ga!” A tagi mai o Miguel.

A dredre o tamana. “Au vakabauta nodatou matavuvale e leqa talega vakataka na timi nei Ammon.”

“Na cava o ya?” A taroga o Samuel.

“Tou sega tiko ni cakacaka vata,” a kaya o Ammon. “Tou vinakata me tou sikoa taucoko ena nodatou vakayakavi. Ia tou sa biuta kece ga vei Nau.”

“Dina!” A kaya o Tamaqu. “Tou na cakacaka vata beka vakacava me dua na timi?”

Sa vakasama sara o Ammon. “Vakacava keu vakarautaka vata kei Samuel na teveli? Me rau qai tomika na iyaya ni vakatatalo na vo ni cauravou.”

“Vakasama totoka!” A kaya o Tamaqu

Sa vakarau sara na vakayakavi. Sa roqo liga o Ammon me sa cabo na masu. Sa marau ni ratou sa mai cakacaka vata vaka dua na timi na nona matavuvale. Sa nuitaka ni ratou na cakava vakakina na nona timi ni vutupolo. E vakaitikotiko mai Toronto e Kenada o koya e vola