Kauta mai ki Vale na Lalai
E Solia mai na Kalou “Na Matavuvale: iVakaro iVuravura Raraba” Me Vukea na Noqu Matavuvale
E vakaitikotiko mai Utah e Amerika o koya e vola.
Vulica vakalevu me baleta na ikau ni Lalai ena vula oqo!
E tu vakalevu vei ira na gone na kaukauwa—na kaukauwa me veisautaka na matavuvale! Na matavuvale kece era sega ni tautauvata, ia na matavuvale yadua sa ka bibi vua na Tamada Vakalomalagi. E gadreva o Koya me kaukauwa na noda matavuvale, sa solia kina vei keda “Na Matavuvale: iVakaro ki Vuravura Raraba” me vukei keda. Sa kila tu na Tamada Vakalomalagi ni sa rawa vei iko mo vukea nomu matavuvale me kaukauwa.
O iko sa tiki ni dua na matavuvale tawamudu e gadreva na nomu veivuke.
Sa rawa vei iko mo kauta mai na marau, lomavinaka, kei na loloma ki na nomu matavuvale.
Sa rawa vei iko mo rogoci ira, cakacaka ka qito vata, veivosoti ka veivukei vakai kemuni.
Sa rawa vei iko mo wilika na ivolanikalou vata kei nomu matavuvale.
Sa rawa vei iko mo ivakaraitaki vinaka ki na nomu matavuvale ni ko masu ka muria na ivakaro.
iVakaraitaki mai vei Dani Jones; itaba ni kava mai vei iStock/Thinkstock