Vakavakarau ni bera ni Ko Masu

E vakananumi keda o Peresitedi Eyring ni masu “e sa rua na sala ni veivosaki ni Kalou kei ira na Luvena.” Na tauri ni gauna me vakarautaki na noda masu sa rawa ni yaco vakaidina kina na veivosaki ena rua na sala oya. Sa rawa ni o vakayagataka na nomu ivolaniveisiga mo taura e vica na miniti ena vakarautaki ni masu ena siga yadua. Sa rawa ni o lisitaka na veivakalougatataki o vinakata mo na vakavinavinakataka kina na Tamada Vakalomalagi, ira na tamata ka gadreva na nomu masu, kei na taro eso o na gadreva me saumi. Qai sureta na Yalotabu ena lagati ni dua na sere se wiliki ni vica na tikina ena ivolanikalou. Ni ko masu, wanonova matua na iwalewale e dusimaka kina na Yalo Tabu na ka mo tukuna, ka wanonova matua na nomu nanuma kei na vakasama (raica na V&V 8:2–3). Navuca mo volaitukutukutaka na veika o sotakaya ena nomu ivolaniveisiga ka taleva lesu na isaunitaro eso o ciqoma. Sa rawa ni o vakayagataka talega na itaviqaravi eso ena tabana e 106–108 ni Vunautaka na Noqu Kosipeli: iDusidusi ki na Veiqaravi ni Daukaulotu me vukei iko mo dikeva vakamatata na nomu masu ka vulica ni vakila na Yalo Tabu.