Tudei Tu ena Ka Eda Vakabauta

iVakatakilakila

Amber liquid in three of 4 wine glasses. All four glasses have red roses in them.

E Varanise, na veiqaravi vakamataivalu e icolacola. A nanuma o Loic na taciqu yabaki 20, me lako ki na koronivuli ni turaganivalu tu vakawawa me rawa ni dua na turaganivalu. Ni oti na vuli, sa vakayacori e dua na soqoni me ra vosabubului na turaganivalu vou. Me ra tu yadudua ka cavuqaqataka na ibole ni mataivalu. Oti me qai gunuva e dua na bilo semepeni ka toka kina e dua na rosi—me tiloma ruarua. Na ivalavala oqo a tekivuna o Napoléon Bonaparte ka sega ni dua na turaganivalu me tekivu mai na gauna oya me sega ni rawata.

E tukuna o Loic vei kanala ni sega ni vakatarai ena ivakavuvuli ni nona lotu me gunu alakaolo. A yaco na vakadigagalu ni kerea o Loic me vakuwai. A tucake o kanala. A sega ni vakasaurarataki Loïc me gunuva na semepeni, ia a vakacaucautaki koya ena nona rokova na nona ivakavuvuli e dina ga ni sa tu na lewa, ka kaya ni sa ka dokai vua me kidavaka mai ki na nona kabani na tamata dokai vakaoqo. A vakaisosomitaki na semepeni, ka vakaitavi o Loic ena soqo ni vosabubului.

iVakatakilakila

Asian woman sitting at a desk looking very sad and emotional. She looks like she is ready to cry.

Ni oti na vuli mai na koliji keirau a cakacaka kei Grace na taciqu ena dua na kabani kei ira e vica tale na Yalododonu Edaidai. Era sega ni lewe ni Lotu na taukei ni cakacaka. Ni sa veimusumusuki o taciqu, a vakarautaka o itaukei ni cakacaka e dua na soqo me vakidacalataki kina na goneyalewa sa vakarau vakawati. Au a vakanuinui me na rokova na noda ivakatagedegede, ia a qai otataka na gunu, dua na tagane dau danisi, kei na dua na vidio ca.

Ni bera na soqo ni goneyalewa sa qai vakawati, au vakila na vakasolokakana ni Yalo Tabu e yaloqu meu vakananuma vei boso na neirau ivakatagedegede. Au taura na noqu metali ni Goneyalewa ka vakasamataka na levu ni igu kei na solibula au a cakava ena Goneyalewa meu vakaotia noqu torocake yadudua Au masuta meu tuberi meu tucake vakabalavu vakalailai ena gauna oqo. Au vakauta vei boso na noqu kauwai, kau nanuma de na cudru kina. Ia, na noqu gagadre levu duadua meu vakamarautaka na Tamada Vakalomalagi.

Ni sa tekivu na soqo ni marau, e sega ni vosa vei au o boso se matadredredre mada ga. Ia, a vakasuka na daudanisi kei na vidio.

Ena veisiga ni oti na soqo, a sega ni vosa se veidredrevaki vata kei au o boso me vaka ni se bera na soqo. Ia, au vakacegu ga baleta niu kila ni sa marautaka na Kalou na ka au sa cakava. Ni oti rauta e dua na macawa, sa taudonu tale tu na neirau veimaliwai kei boso. Au kila ni sa vakamalumalumutaka na Kalou na yalona ka vukei koya me kila niu dau bulataka na veika au vakabauta.

iVakatakilakila

High school sewing class full of young women.

Rauta niu yabaki 18, au a taura e dua na kalasi ni culacula. Ena dua na siga sa tekivu me ratou vosavosa ca e tolu na goneyalewa ka vica na fiti na kedratou yawa mai vei au. Au sega ni kila se dodonu beka meu kua ga ni kauwaitaki iratou me kua kina ni dua na veiba se meu tutaka na noqu ivakatagedegede ka kerei iratou me ratou muduka. Oti, au sa qai tukuna ena kena vinaka duadua au rawata, “Dou vosoti au, au kerea mo dou yalovinaka ka qarauna nomudou ivosavosa?”

A wadravi au mai o koya na ka levu duadua ka kaya, “Keitou na lewa ga na vosa keitou cavuta.”

Au kaya yani, “Ia e dodonu li mo dou vosaca sara kina? Sa ca dina tiko vei au.”

Qai kaya mai o koya, “Kakua ga ni vakarorogo.”

Sa tekivu meu cudru mai ka kaya, “E rui dredre meu kua ni vakarorogo ni dou sa rui vosa tiko i cake.”

Qai kaya o koya, “Guilecava ga.”

Au sa mani sega ni vosa. Au a sevaki ratou, ia au rarawataki au vakalevu cake. Au sega ni vakabauta ni a rawa meu vakatara me kaukauwa mai na domoqu. Eratou vosaca tikoga na goneyalewa, ka keimami sa cudru kece ena gauna oqo.

Niu sa ruru mai, au raica ni dua na leqa e yaco tiko ena nodratou misini ni culacula. Au kila na leqa oya baleta ni a yaco talega vei au ena dua na gauna i liu. Au mani vakaraitaka vei iratou na kena icakacaka. Au raica na veisau ni irairai ni matana na goneyalewa levu duadua. “Isa,” e kaya mai, “ni vosoti keitou.” Au sega ni vakabauta—ni sa kere veivosoti. “Vosoti au talega,” au tukuna vua. “Sega ni dodonu meu cudru vakaoya.”

Au lesu tale ki na noqu misini ni culacula ka sega tale ni rogoca e dua na vosaca. A vakavulici au na veika au sotava oqori ni na rawa ni sega ni veisautaka na nodra ivakarau ni bula eso na noda vosa, ia na yalovinaka kei na veiqaravi e vakavuqa ni dau rawa.

Au a lewena na Lotu niu yabaki 19, au ikarua vei keitou e lewetolu na gonetagane kau Yalododonu Edaidai duadua ga ena neitou matavuvale. Ni oti ga vakalailai na noqu papitaiso, sa tekivu meu vakila na gagadre meu laki kaulotu. Ni oti e dua na yabaki, sa tukuna vei au na Yalo ni dodonu meu lako. Keirau veivosaki kei tinaqu, ka nanuma o koya ni sega ni dodonu meu lako. Au vakadaroya me dua tale na yabaki, ia e sega ni yali yani vei au na gagadre ni laki kaulotu. Ena yabaki oya, au vulica na ivolanikalou, maroroya na noqu ilavo, vakarautaka na noqu pepa, cakava na veiqaravi kece vakavuniwai, ka—ni sa vakayacori oti na ka kecega—au qai waraka na Turaga. Sega ni dede, sa yaco mai na kaci meu laki veiqaravi ena Tabana ni Kaulotu na Brazil Campinas.

Erau se saqata ga na noqu itubutubu. Au lolo ka masumasu e matanalevu, kau tukuna vei Tamada Vakalomalagi na noqu lomaleqa kecega. Au tukuna Vua me tara na yaloi tamaqu vakavuravura. A vakakina. Ena noqu kurabui, a lako mai o tamaqu ena soqo ni veitalatala era a vakarautaka vei au na noqu itokani ena Vakarauwai ni se bera niu biubiu. Ena Moniti oya, a kauti au ki rara ni waqavuka na tamaqu.

Ena noqu kaulotu, au vakila na loloma ni Kalou ena noqu vunautaka na kosipeli. A sega ni oti nona tinaqu tiko o na, niu lesu mai ki vale, o koya na imatai ni tamata me mokoti au.

Au vulica ni kaulotu e uasivi cake sara mai na dua ga na itavi; o koya e dua na ka dokai ka dua na gauna vakasakiti ni tubu kei na vuli.

iVakatakilakila

High school classroom. Oriental students

Niu curuvou ena univeisiti uasivi duadua ena neitou vanua, au vakila na ibika meu solia noqu vinaka duadua. E yaco na veivakacacani, ka tekivu meu taroga na noqu vakabauta ena kosipeli ni tekivu me ra vakamacalataka e vuqa na noqu parofesa na veika era vakabauta ni “ka dina.” E tarai ira e vuqa na noqu lewe ni kalasi. Na draki oqo e vakadredretaka na noda dinata tu na veika Vakarisito. Au nanuma meu sa suka kau mani lewa ni vinaka meu tiko ga. Au nanuma ni kevaka e lewe vica walega era rawata me ra curu ki na univesiti oqo, ka ratou maliwai ira na vica walega oqori e vica na Yalododonu Edaidai, sa dodonu kina meu tikoga mai ka tutaka na dina.

Na noqu parofesa ni baioloji, e dua ka lewa ga vakataki koya ni sega na Kalou, e vakavuvulitaka na science ena dela ni nona sega ni vakabauta ni dua na Dauveibuli Cecere. Ia na levu ga ni noqu rogoca, na levu ni kena vakadeitaki vei au ni tiko e dua na Kabula Cecere—na Kalou, na Tamada—o koya ka bulia na ka kecega. Eso tale era tukuna ni vakasama oqo e sega ni vakaibalebale. Sa mani titobu cake kina na neimami veivosaki. Au sa nanamaki meu laveta na ligaqu ka vakamacalataka niu vakabauta ni Dauveibuli na Kalou.

Sa yaco mai na gauna meu tukuna na noqu nanuma. Ena noqu koronivuli sa kena ivakarau tu me ra dau vakasausautaki, kailavaki, se vaka-uutaki o ira era tukuna nodra vakasama. Au tucake ena yalodoudou ka tukuna vakamatata ki na ito ni veisaqa: “Ena sega beka ni vakaibalebale vei kemuni ena gauna oqo na vakabauta na Kalou, ia ena yaco mai na siga ni na qai vakaibalebale vei kemuni me vaka na kena vakaibalebale vei au ena gauna oqo.”

Me tekivu mai na gauna oya, au sega vakadua ni se bau vaka-uutaki niu tutaka na noqu vakabauta. Me tekivu mai na gauna ko ya ka lako yani, a toso na bula vakavuli, veimaliwai vakatamata, kei na bula vakayalo. Sa tekivu meu bulabula ena itaviqaravi vagonevuli, kau digitaki ki na vica na itutu e koronivuli.

Au vulica ni da tutaka na dina ke vakadua mada ga ena vakaimawe ena noda vakatulewa ena veisiga ni mataka.