Noda Tabana
Dua na siga, niu se bera ni papitaiso, au a tiko ena vale nei buqu ka gole sobu ena tabavale e ra o koya me kauta mai e dua na ka. A tacaqe ka lutu ka sega tale ni tucake rawa. A kacivi au mai, ia au a sara TV tikoga ka sega ni rogoci koya. Ni oti toka e 10 na miniti, au sa rogoca niu sa kacivi vakamalua, “Tomu” Au a laki vaqarai koya ka raica ni sa davo koto ena vuloa. Au sega sara ni kaukauwa vinaka meu vakaduri koya cake, kau a cici ki na vale e tarava. A yaco mai na marama o ya ka tabei Bu cake.
A kaya vei au o Buqu, “Tomu, na Yalo Tabu o a rogoca o ya. Au a yawa sara mai vei iko mo rogoci au rawa.”
Au kila ni Yalo Tabu a vakasolokakana vei au. Au sa mai papitaiso oqo, kau marautaka ni sa tiko vei au na isolisoli ni Yalo Tabu.
Tom R., yabaki 8, mai Jamani
Natalia A., yabaki 10, mai Colombia
E dau taleitaka o Olivia I., yabaki 8, mai Romania me dau vukei tinana ena samaki ni vale. O tinana e nona qasenivuli kei na 13 tale na nona itokani, ni gauna e ratou vakacagicagi kina e dau vinakata me vaka e dua na qasenivuli. E taleitaka me gole vakagade kei rau nona itubutubu ka laki tiko kei buna kei tukana. Ni gauna sa papitaiso kina a vakila ni sa volekata sara na Tamana Vakalomalagi, ka sa vakavinavinaka ni sa rawa me vukei koya na Yalo Tabu ena vakatulewa. Na nona sere ni Lalai taleitaki na “Follow the Prophet” (Children’s Songbook,110).
Liu C., yabaki 7, mai Ecuador
E dau taleitaka o Thierry M, yabaki 7, mai Brazil na vakaitavi ena Lalai ka laga serenilotu. E kila o koya ni valetabu sa vale ni Turaga.
Au taleitaka na laki lotu vata kei noqu matavuvale ka vulica na veika baleti Jisu Karisito. E vale au dau taleitaka meu wilika ka vulica na italanoa mai na ivolanikalou, laga serenilotu, ka qito ena gauna ni lotu vakamatavuvale. Na kosipeli i Jisu Karisito sa vakalougatataka ka vakamarautaka na noqu matavuvale. Au sa solia na iVola i Momani ki na tolu na qasenivuli e noqu koronivuli kei na matavuvale nei noqu itokani vinaka duadua, o Miguel.
Martim P., yabaki 6, Portugal