Rai Cake

Niu se yabaki walu, au a talai kei na rua na taciqu me keitou laki voli kakana mai na taoni voleka toka ga. Niu railesuva, au kurabuitaka na nodratou veivakabauti na buqu noqu nei kei noqu momo vei keitou. A ketekete ni bici tu ko lomalagi ena mataka o ya ni keitou sa dui vodoka tolutolu na neitou ose.

Ena dua na loma ni bucabuca, keitou sa siro sara mai na neitou ose ka tekivu qito mapolo. Keitou sa taleitaka sara na qito mapolo ka sega ni bau rai cake ni sa qumu mai na lomalagi ena o loaloa. Ena gauna keitou sa kila kina ni sa yaco mai e dua na cava, sa sega mada ga na gauna me vodoki kina na neitou ose. Sa tauci keitou mai vakaukauwa na uca kei na cava ka keitou sa luvata ga na beleti ni ose ka vakaruru ena itutuvi ni idabedabe. E ratou a dro na ose.

Sa sega na ose, keitou sa suasua, ka batabata, ka sa tekivu me keitou taubale yani vakatotolo ki na taoni voleka e kea. Sa yakavi bogi ena gauna keitou sa laki tukituki toka ena dua na vale. E ratou a vakamamacataki keitou, vakani keitou ena bini ologi ena valawa, ka keitou moce ena dua na rumu vuloa duka.

Keitou a yadra cake na veiwekani ena mataka lailai ka ramase mai na siga ka totoka tu ko lomalagi. A tukituki e katuba e dua na turaga ka vakasaqarai iratou tiko mai e tolu na gonetagane lakosese. Au na sega vakadua ni guilecava na ka keitou a raica ena ilakolako lesu ki vale—o ira na tamata era a vakasaqarai keitou ena bogi taucoko o ya. E ratou tu sara ga e liu o buqu dauloloma o noqu momo kei noqu nei. E ratou a mokoti keitou ka tagi, ka marau ni ratou sa kunea na luvedratou a yali.

Sa dau kauwaitaki keda tiko na Tamada Vakalomalagi. Sa waraki keda tiko ena yalonanamaki o Koya me da lesu yani ki vale. Era tiko volivoliti keda na ivakatakilakila ni cava vakayalo. Meda rai cake tiko ka vakarautaki keda ena noda vaqaqacotaka na noda ivakadinadina ena veisiga.