Maʻá e Fānau Īkí
ʻOku ou ʻIlo ʻOku ʻOfa ʻa Sīsū ʻIate Au
ʻOku nofo ʻa e tokotaha naʻá ne faʻú ʻi Kololato, USA.
Naʻe feinga lahi ʻa Leni ke ʻapasia ʻi he lotú. Ka naʻe ongosia, pea ongoʻi mofisifisi mo hono vaʻé.
ʻI he ʻosi ʻa e sākalamēnití, ne fakaava ʻe Leni ʻene tohi fekauʻaki mo Sīsuú. Naʻá ne maʻu ʻe fakatātā ʻo Sīsū mo e fānau īkí. Naʻá ne ʻai ke ne ongoʻi nonga mo loto fiefia.
Naʻe fehuʻi ange ʻe Leni ki he Fineʻeikí, ʻi he ʻosi ʻa e houalotu sākalamēnití, “Ko e hā ʻoku faingofua ange ai ke u ʻapasia ʻi heʻeku sio ki heʻeku tohi fekauʻaki mo Sīsuú?”
Talaange ʻe he Fineʻeikí, “ʻOku ou tui ʻoku tuʻunga ia heʻene fakamanatu atu e lahi ʻo e ʻofa ʻa Sīsū ʻiate koé.”
Ne kamo pē ʻa Leni. Peá ne ʻeke ange, “ʻOkú ke pehē ʻoku ʻafioʻi ʻe Sīsū ʻoku ou ʻofa mo au ʻiate Ia?”
Naʻe kuku mai ʻe he fineʻeikí ʻa Leni. “ʻIo, ʻoku ou tui pau ʻokú Ne ʻafioʻi.”