“ʻOku mahuʻinga ange e palōfita moʻuí kiate kitautolu ʻi ha palōfita kuo pekia.” …

“…Naʻe ʻikai hanga ʻe he fakahā ʻa e ʻOtuá kia ʻĀtamá ʻo fakahinohinoʻi ʻa Noa ki he founga foʻu ʻo e ʻaʻaké. Naʻe fie maʻu ʻe Noa ia haʻane fakahā pē ʻaʻana. Ko ia ai, ko e palōfita mahuʻinga taha kiate koe pea mo aú, ʻa ē ʻoku moʻui ʻi hotau ʻahó mo hotau kuongá ʻa ia ʻoku lolotonga fakahā ki ai ʻe he ʻEikí Hono finangalo kiate kitautolú. ʻI heʻene peheé, ko e laukonga mahuʻinga taha te tau lava ke faí ko ha taha ʻo e ngaahi lea ʻa e palōfitá … ʻoku ʻi he makasini ʻa e Siasí ʻi he māhina takitaha. ʻOku maʻu hotau tuʻutuʻuni fakamāhina onó ʻi he ngaahi lea konifelenisi lahí, ʻa ia ʻoku paaki ʻi he makasini ko e [Liahoná]. …

“Tokanga telia ʻa kinautolu te nau ʻai ke fehangahangai ʻa e kau palōfita kuo pekiá mo e kau palōfita moʻuí, he ʻe pule maʻu pē ʻa e kau palōfita moʻuí.”