ʻAi Hangatonu
Kuó u fakatomala, ka ʻoku ou kei ongoʻi halaia pē. Te u maʻu fēfē ʻa e nongá?
Koeʻuhí ko e Fakalelei taʻefakangatangata ʻa Sīsū Kalaisí, ʻe lava ke mole fakaʻaufuli ʻa hoʻo ongoʻi halaiá ʻo kapau te ke fakatomala kakato. Ka ʻoku kei ongoʻi ʻe he kakai he ngaahi taimi ʻe niʻihi ha ngaahi ongo halaia ʻi heʻenau manatuʻi ʻenau ngaahi angahalá neongo naʻa nau ʻosi fakatomala.
ʻE lava ke lelei e ongoʻi halaiá pē “mamahi ʻoku tāu mo e ʻOtuá” (2 Kolinitō 7:10). Te ne fakatefito ʻetau ngaahi fakakaukaú ʻia Sīsū Kalaisi mo tataki kitautolu ki he fakatomala mo e liliu moʻoní. ʻI he tafaʻaki ʻe tahá, ʻoku hanga ʻe he ongoʻi maá ʻo fakatefito ʻetau fakakaukaú ʻiate kitautolu mo taʻofi ʻetau fakalakalaká.
ʻOku hanga ʻe he Tohi ʻa Molomoná ʻo ʻomi ha ngaahi sīpinga ʻo e founga te tau lava ai ke fakatomala mo fiefia ʻi he nonga ʻa Sīsū Kalaisi:
-
Naʻe hanga ʻe he manatu ʻa ʻĀmoni ki heʻene ngaahi angahala ʻi he kuohilí ʻo ʻai ia ke ne maʻu ha loto fakafetaʻi ki he Fakamoʻuí mo ʻEne ʻaloʻofá, mo ʻomi kiate ia ʻa e fiefiá kae ʻikai ko e mamahí (vakai, ʻAlamā 26:17–20).1
-
Hili e “nofo ʻi [he] ʻatamai [ʻo ʻAlamaá] e fakakaukau” fekauʻaki mo Sīsū Kalaisi mo ʻEne Fakaleleí, ne “ʻikai ke toe tauteaʻi [hono] lotó ʻi [heʻene] manatu ki [heʻene] ngaahi angahalá” ( ʻAlamā 36:17–19). Neongo naʻá ne kei manatuʻi pē ia, ka naʻe ʻikai ke ne toe ongoʻi mamahi koeʻuhi ko ia.2