Elder Jonathan S. Schmitt

Si Elder Jonathan S. Schmitt miingon nga ang “pagka-available” mao ang iyang dala ngadto sa iyang calling isip bag-ong gipaluyohan nga Kinatibuk-ang Awtoridad nga Seventy.

“Kana lang ang anaa kanato,” siya miingon. “Unsay ipasabot sa masulob-ong kasingkasing ug mahinulsolong espiritu mao nga imong ihalad ang imong kaugalingon ngadto sa Ginoo ug tugotan ang Ginoo nga mohimo sa Iyang pagbuot.”

Si Elder Schmitt midugang, “Ang Ginoo makahatag nato og kalig-on, mga talento, ug mga gasa nga atong kinahanglanon aron matuman ang Iyang buhat. Apan kon dili nato himoong available ang atong kaugalingon alang Kaniya, nan kita mipili sa atong kaugalingon ug wala mohatag Kaniya og oportunidad sa pagpanalangin kanato sa atong mga paningkamot sa pagserbisyo Kaniya.”

Si Jonathan Stephen Schmitt natawo niadtong Abril 16, 1973, sa Mesa, Arizona, USA, ngadto nila ni Robert Edward ug Dianne Lyda Schmitt. Nagdako siya sa Yuma, Arizona. Niadtong Hulyo 21, 1995, naminyo siya ni Alexis Swain Udall sa Mesa Arizona Temple. Mga ginikanan sila sa upat ka anak.

Si Elder Schmitt nakadawat og bachelor of science degree sa agricultural and resource economics niadtong 1997 ug juris doctor degree niadtong 2000, sa University of Arizona.

Human sa pagserbisyo isip law clerk alang sa Arizona Supreme Court, nagtrabaho siya isip abogado alang sa international law firm sa Akin Gump Strauss Hauer & Feld LLP. Sa kaulahian nagtrabaho siya isip abogado ug litigation counsel alang sa Baker Hughes Incorporated. Agi og dugang, nagtrabaho siya isip assistant vice president sa Arizona State University.

Si Elder Schmitt nagserbisyo isip Area Seventy sa North America Southwest Area sa dihang gitawag siya isip Kinatibuk-ang Awtoridad nga Seventy. Ang iyang kanhi nga mga calling naglakip sa pagserbisyo isip presidente sa California San Diego Mission gikan sa 2014 ngadto sa 2017, presidente sa stake, bishop, magtatambag sa kapangulohan sa stake, high councilor, presidente sa korum sa mga elder, ward executive secretary, magtatambag sa kapangulohan sa Young Men sa stake, lider sa grupo sa mga high priest, magtutudlo sa pagpangandam sa misyonaryo sa stake, ug full-time nga misyonaryo sa California Fresno Mission.