Bag-ong mga Kapanguhaan

Kini nga libro sa mga hulagway karon aduna nay gibag-o nga mga paghulagway ug mga sinulat nga makatabang sa mga pamilya sa ilang pagtuon diha sa panimalay. Ang giusab nga libro adunay sobra sa 350 ka bag-ong mga paghulagway. Ang kanhi nga mga istorya giusab og sulat, siyam ka istorya ang gidugang, ug ang libro gihubad ngadto sa 63 ka pinulongan. Ang animated nga mga video ug ang audio nga mga pagsaysay gipalambo sa 10 ka pinulongan alang sa matag istorya. Ang mga Istorya sa Daang Tugon ug ang nag-uban nga mga video niini anaa sa online diha sa scripturesto.ries.ChurchofJesusChrist.org, diha sa Gospel Library ug Gospel for Kids [Ebanghelyo alang sa mga Bata] nga mga app, ug diha sa YouTube. Ang giimprinta nga bersiyon mahimong makuha pinaagi sa store.ChurchofJesusChrist.org o diha sa mga sentro sa pagpang-apud-apod.

Kining bag-o nga pamphlet mopailaila sa mga Muslim (sumusunod sa Islam) ug sa mga Santos sa Ulahing mga Adlaw sa usag usa. Una kining gipresentar nila ni Elder David A. Bednar ug Gerrit W. Gong sa Korum sa Napulog Duha ka Apostoles atol sa usa ka komperensiya bahin sa Islam didto sa Brigham Young University pagka-Oktubre 2021. Ang pamphlet anaa diha sa Gospel Library (sa ChurchofJesusChrist.org o sa mobile nga app) sa Arabic, English, Farsi, French, German, Russian, Spanish, ug Turkish. Diha sa Gospel Library, adto sa Books and Lessons ug dayon i-open ang Interfaith Relations.

Ang BYU–Pathway Worldwide nagtanyag karon og oportunidad sa scholarship ngadto sa matag estudyante, base sa panginahanglan. Wala magkinahanglan og grado sa akademiko aron mahimong kwalipikado sa scholarship. Ang na-enrol nga mga estudyante sa PathwayConnect mokompleto lamang sa module bahin sa impormasyon.

Kini nga kurso sa self-reliance anaa na sa Albanian, Chinese, Czech, Danish, Dutch, English, French, German, Hungarian, Italian, Japanese, Korean, Portuguese, Russian, ug Spanish.

Ang bag-ong mga giya sa calling sa pagpangulo makatabang sa mga lider sa Young Women sa pagtudlo sa kabatan-onan. Sa pagpangita sa mga giya diha sa Gospel Library, adto sa Tamdanan nga mga Basahon ug mga Calling, gisundan sa Mga Calling sa Ward o Branch ug dayon Young Women. Ang dugang nga mga kapanguhaan makita diha sa YoungWomen.ChurchofJesusChrist.org.

Ang mga Santos sa Ulahing mga Adlaw nga nagserbisyo og misyon sukad niadtong 2000 makapaambit na karon sa ilang impormasyon sa pagkontak ngadto sa ilang kanhi mga lider sa misyon pinaagi sa bag-ong mission directory diha sa Member Tools nga app. Pinaagi sa pag-apil, ang kanhi misyonaryo motugot sa mga lider sa misyon nga makakita sa iyang ngalan ug impormasyon sa pagkontak. Dayon ang mga lider sa misyon mahimong mogamit niini nga impormasyon aron sa pakigkomunikar ngadto sa mga misyonaryo, sa tinagsa ug isip usa ka grupo.

Kini nga YouTube channel anaa na sa Iningles, Portuguese, ug Spanish. Ang bag-ong seksiyon sa Gospel Library nga gitawag og Kabataan magtugot sa kabataan sa pag-apil diha sa mga istorya, mga video, ug interaktibo nga mga kalihokan.

Ang kinabag-ohan nga mga pag-usab kompleto na karon diha sa Iningles, nga pagasundan sa ubang mga pinulongan inigka-2022.