Laj Nefi ut eb’ li perel ch’iich’ bronce

Jalam-uuch

laj Nefi nawulak sa’ jun li kab’l ut eb’ li ras yal neke’ilok

Laj Laman, laj Lemuel, laj Sam, ut laj Nefi ke’sutq’i aran Jerusalen sa’ q’ojyin. Laj Nefi xko’o sa’ rochoch laj Laban ut eb’ li ras ke’xmuq rib’ chirix li tenamit.

1 Nefi 4:4–5

Jalam-uuch

laj Nefi naril laj Laban li yokyo chi ch’och’

Laj Nefi kixkanab’ naq li Musiq’ej tixb’eresi xb’e. Ink’a’ naxnaw k’a’ru tento tixb’aanu, a’b’an naxnaw naq li Qaawa’ tixtenq’a chixtawb’aleb’ li perel ch’iich’ bronce.

1 Nefi 4:6

Jalam-uuch

laj Nefi rik’in lix yo’kleb’ ch’iich’ laj Laban

Naq yoo chi nach’ok laj Nefi rik’in li rochoch laj Laban, kixtaw laj Laban yokyo chi ch’och’. Kalajenaq laj Laban. Laj Nefi kiril lix yok’leb’ ch’iich’ laj Laban ut kixxok.

1 Nefi 4:7–9

Jalam-uuch

laj Nefi naxsutq’isi rib’ chiru laj Laban

Naq laj Nefi kixka’ya li yok’leb’ ch’iich’, li Musiq’ej kixye re naq tixkamsi laj Laban. A’b’an laj Nefi ink’a’ kiraj xkamsinkil. Li Musiq’ej kixye re laj Nefi naq jwal us wi’chik naq taakamq laj Laban chiru naq ink’a’ te’wanq li loq’laj hu rik’in lix junkab’al laj Nefi. Eb’ a’an neke’raj ru lix taqlahom li Dios li tz’iib’anb’ileb’ chiruheb’ li perel ch’iich’ bronce.

1 Nefi 4:10–11, 13–17

Jalam-uuch

laj Nefi naq natijok

Laj Nefi kixnaw naq laj Laban kixsik’ xkamsinkil. Laj Laban kixmaq’ ajwi’ li reechanihomeb’ ut ink’a’ tixpaab’eb’ lix taqlahom li Dios.

1 Nefi 4:11

Jalam-uuch

laj Nefi tiqto sa’ raq’ laj Laban

Li Musiq’ej kixye wi’chik re laj Nefi naq tixkamsi laj Laban. Laj Nefi kixnaw naq li Qaawa’ xkawresi li b’e re naq tixtaweb’ li perel ch’iich’ bronce. A’an kixsik’ ru ab’ink chiru li Musiq’ej. Laj Nefi kixkamsi laj Laban ut kixtiqib’ rib’ sa’ li raq’ laj Laban.

1 Nefi 4:12–13, 17–19

Jalam-uuch

laj Nefi na’aatinak rik’in laj Tzoram

Chirix a’an, laj Nefi xko’o sa’ lix k’uuleb’aal laj Laban ut kixtaw lix moos laj Laban, laj Tzoram xk’ab’a’. Laj Nefi ki’aatinak jo’ chanchan naq a’an laj Laban.

1 Nefi 4:20–23, 35

Jalam-uuch

laj Tzoram rik’ineb’ li perel ch’iich’ bronce

Laj Nefi kixye re laj Tzoram naq narajeb’ ru li perel ch’iich’ bronce. Toja’ naq laj Nefi kixye re laj Tzoram naq taarochb’eeni. Laj Tzoram kixk’oxla naq laj Nefi a’an laj Laban, jo’kan naq kixb’aanu li kixye laj Nefi.

1 Nefi 4:24–26

Jalam-uuch

eb’ li as iitz’inb’ej neke’eelelik chiru laj Nefi

Naq laj Nefi ut laj Tzoram ke’el chaq sa’ li tenamit, laj Laman, laj Lemuel, ut laj Sam ke’xk’oxla naq laj Nefi a’an aj Laban. Ke’xuwak ut ke’ok chi eelelik.

1 Nefi 4:28

Jalam-uuch

eb’ li as iitz’inb’ej neke’aatinak ut laj Tzoram na’ilok chi ixb’ej

Laj Nefi kixb’oqeb’ li ras. Naq ke’xnaw naq a’an laj Nefi, ke’xkanab’ eelelik. A’b’an ki’ok chi xuwak laj Tzoram ut kixyal sutq’iik aran Jerusalen.

1 Nefi 4:29–30

Jalam-uuch

laj Nefi na’aatinak rik’in laj Tzoram

Laj Nefi kixchap laj Tzoram. Kixye re laj Tzoram naq li Qaawa’ kixtaqlaheb’ chixtawb’aleb’ li perel ch’iich’. A’an kixb’oq laj Tzoram chi xik chirixeb’ toj sa’ li yeechi’inb’il ch’och’. Laj Tzoram kixnnaw naq taaruuq chi ach’ab’aak, ink’a’ chik taawanq jo’ moos, ut kixye naq taarochb’eeni laj Nefi ut lix junkab’al.

1 Nefi 4:31–37

Jalam-uuch

laj Nefi ut eb’ li ras ut laj Tzoram neke’xk’e xsahil xch’ool li xSariah ut laj Lehi

Ke’q’aj rik’in laj Lehi ut li xSariah. Laj Lehi ut li xSariah ke’saho’ xch’ool naq ke’rileb’ li ralal. Kixk’oxla li xSariah naq kamenaqeb’ li ralal. Xb’aan naq li Qaawa’ kixkoleb’ rix li ralal, anajwan kixpaab’ chik naq taqlanb’il lix junkab’al chi elk chaq aran Jerusalen. Lix junkab’al laj Lehi ut li xSariah ke’xq’axtesi li mayej re b’antioxink chiru li Qaawa’.

1 Nefi 4:38; 5:1–9

Jalam-uuch

laj Lehi naril li tz’iib’anb’il chiruheb’ li perel ch’iich’ bronce rik’in lix junkab’al

Laj Lehi kiril li tz’iib’anb’il chiruheb’ li perel ch’iich’ bronce. A’an kixk’e reetal naq tz’iib’anb’il chiruheb’ li perel ch’iich’ lix k’utumeb’ li profeet. Kixtzol ajwi’ naq jun reheb’ lix xe’ xtoon a’an laj Jose, li kik’ayiik aran Egipto xb’aaneb’ li ras junxil. Laj Lehi kixnaw naq aajeleb’ ru li perel ch’iich’ bronce. Kixnaw naq li Qaawa’ kiraj naq te’wanq li taqlahom rik’in lix junkab’al.

1 Nefi 5:10–22