“Li xSariah,” Eb’ li Seraq’ sa’ lix Hu laj Mormon
“Li xSariah,” Eb’ li Seraq’ sa’ lix Hu laj Mormon (2023)
Li xSariah
Lix b’eenik jun ixq rik’in paab’aal
Li xSariah kiwan rochoch aran Jerusalen rik’in lix junkab’al. Laj Lehi, lix b’eelom, a’an jun xprofeet li Dios. Sa’ jun li kutan, li Qaawa’ kixye re laj Lehi naq taa’elq chaq Jerusalen rochb’een lix junkab’al.
Li xSariah kiwan xpaab’aal chirix li Qaawa’. A’an ut lix junkab’al ke’el chaq sa’ rochocheb’. Ke’xkanab’ lix oor ut lix plaat re xik rik’in laj Lehi sa’ li yamyookil ch’och’.
Li xSariah ut laj Lehi ke’xxok lix tzakemqeb’ ut li k’a’ru taak’anjelaq reheb’. Chirix naq yookeb’ chi b’eek chiru naab’al kutan, ke’xyiib’eb’ lix muheb’aal t’ikr sa’ li yamyookil ch’och’. Toja’ naq ke’xyiib’ jun li artal ut ke’xb’antioxi re li Qaawa’ lix tenq’.
Sa’ jun li kutan li Qaawa’ kixpatz’ reheb’ li ralal li xSariah ut laj Lehi naq te’sutq’iiq aran Jerusalen re xtawb’aleb’ chaq li perel ch’iich’ bronce. Kixuwak li xSariah naq ink’a’ neke’sutq’i chaq li ralal. Kixk’oxla naq kamenaqeb’. Laj Lehi kixk’ojob’ xch’ool li xSariah. Ke’xsik’ ru xpaab’ankil naq li Qaawa’ tixkoleb’ rix li ralal.
Kisaho’ xch’ool chi numtajenaq li xSariah naq ke’sutq’i li ralal aran Jerusalen. Anajwan kixnaw chik naq li Qaawa’ kixkoleb’ rix. A’an kixpaab’ naq li Qaawa’ tixk’e xwankilaleb’ chixb’aanunkil li tixpatz’ reheb’. Sa xch’ool chixjunil lix junkab’al li xSariah, ut ke’b’antioxin chiru li Qaawa’.