“Laj Gideon, laj Alma, ut laj Nehor,” Eb’ li Seraq’ sa’ lix Hu laj Mormon (2023)
“Laj Gideon, laj Alma, ut laj Nehor,” Eb’ li Seraq’ sa’ lix Hu laj Mormon
Laj Gideon, laj Alma, ut laj Nehor
Xkolb’al rix li yaal rik’in li raatin li Dios
Eb’ laj Nefita ke’xsik’ ru laj Alma joʼ xbʼeenil aj raqol aatin. Laj Alma a’an ajwi’ li taqenaqil aj tij re li Iglees.
Jun winq aj Nehor xk’ab’a’ ki’ok chixk’utb’al chiru li tenamit jun na’leb’ li kixye naq a’an raatin li Dios. A’b’an a’an kixk’ut chiru li tenamit naq ink’a’ taa’ajmanq ru naq te’xpaab’ li Dios chi moko naq te’xjal xk’a’uxl.
Ke’wan naab’al li sa ke’ril ut ke’xpaab’ lix k’utum laj Nehor. A’an kiraj naq li tenamit te’xk’e xtumin ut te’xnima ru. Kixk’oxla naq jwal chaab’il a’an chiruheb’ li ras riitz’in. Kixtikib’ lix iglees a’an, ut naab’aleb’ ke’ab’in chiru.
Sa’ jun li kutan, laj Nehor kixnaw ru jun winq aj Gideon xk’ab’a’. Laj Gideon a’an chaq aj k’utunel sa’ lix Iglees li Dios ut naab’al li us kixb’aanu. Laj Nehor kiraj naq li tenamit te’elq sa’ li Iglees, jo’kan naq kixwech’ rix laj Gideon. Laj Nehor kiroksi li raatin li Dios re xk’utb’al naq moko yaal ta lix k’utum laj Nehor. Kinumta xjosq’il laj Nehor! A’an kixkamsi laj Gideon chi yok’leb’ ch’iich’.
Li tenamit ke’xk’am laj Nehor chiru laj Alma re taaraqe’q aatin chirix. Laj Nehor kixyal xkolb’al rix lix b’aanuhom. Ink’a’ kiraj xk’ulb’al xtojb’a-maak.
Laj Alma kixye naq moko yaal ta xk’utum laj Nehor ut naq naru naxrahob’tesi li tenamit. Laj Alma kixtaaqe li chaq’rab’. Xb’aan naq laj Nehor kixkamsi laj Gideon, kikamsiik laj Nehor.
Rub’elaj xkamik, laj Nehor kixye re li tenamit naq xtikʼtiʼik chiruheb’. Ink’a’ kixk’ut li raatin li Dios. Us ta kixye naq moko yaal ta li raatin, toj ke’wan naab’aleb’ li ke’xtaaqe xb’aanuhom laj Nehor. Ke’tik’ti’ik chiru li tenamit re te’nimaaq ru ut te’b’ihomo’q. Ke’wan ajwi’ li ke’ab’in chiru laj Alma. Ke’rileb’ li neb’a’ ut ke’xpaab’eb’ lix taqlahom li Dios.