Laj Moroni aj taqlanel ut laj Tzerahemnah

Jalam-uuch

laj Tzerahemnah naxjolomiheb’ lix teep aj pleet

Laj Tzerahemnah a’an li najolomink re lix teep aj pleet laj Lamanita. A’an kiraj awa’b’ejink sa’ xb’eeneb’ laj Nefita ut kixk’eheb’ sa’ moosil chiru lix tenamit a’an. Laj Tzerahemnah kixjolomiheb’ lix teep aj pleet re xpleetinkileb’ laj Nefita.

Alma 43:3–8

Jalam-uuch

li teep aj pleet aj Nefita neke’ril li teep aj pleet aj Lamanita

Eb’ laj Nefita ke’raj xkolb’aleb’ rix li rochocheb’, lix junkab’aleb’, ut lix paab’aaleb’. Ke’xnaw naq ink’a’ te’ruuq raj chixloq’oninkil li Qaawa’ wi ta te’awa’b’ejinq laj Lamanita sa’ xb’eeneb’. Eb’ laj Nefita ke’xsik’ ru xpleetinkileb’ li xik’ neke’ilok reheb’.

Alma 43:9–10, 14–15

Jalam-uuch

laj Moroni na’ilok chi uub’ej ut wankeb’ li choql chirix

Jun winq aj Moroni xk’ab’a’ a’an chaq laj taqlanel sa’ xb’eeneb’ li teep aj pleet reheb’ laj Nefita. Laj Moroni kixkawresiheb’ lix teep aj pleet re te’pleetiq.

Alma 43:16–17

Jalam-uuch

kawresinb’il laj Moroni li taqlanel ut eb’ laj pleet aj Nefita re pleetik

Eb’ laj pleet ke’xk’ameb’ li k’anjeleb’aal re pleet, ut laj Moroni kixk’e reheb’ li kawil kolb’a-ib’ aq’ej ut li ramleb’ re xkolb’aleb’ rix.

Alma 43:18–19

Jalam-uuch

neke’xuwak laj Lamanita naq neke’ril lix teep aj pleet laj Nefita

Laj Moroni kixk’ameb’ lix teep aj pleet re xpleetinkileb’ laj Lamanita. A’b’an naq eb’ laj Lamanita ke’ril naq kawresinb’ileb’ laj Nefita rik’in kolb’a-ib’ aq’ej ut ramleb’, ke’xuwak ut ink’a’ chik ke’raj pleetik. Eb’ laj Lamanita yal lanlo li tz’uum chixyiitoqeb’, ut maak’a’ li kolb’a-ib’ aq’ej re xkolb’aleb’ rix.

Alma 43:19–21

Jalam-uuch

eb’ laj pleet aj Lamanita neke’alinak sa’ li k’iche’

Neke’xik laj Lamanita. Ke’xyal xik sa’ jalan chik ch’och’ aj Nefita. Ke’xk’oxla naq laj Moroni ink’a’ tixnaw b’ar neke’xik.

Alma 43:22

Jalam-uuch

eb’ li muqmuukil aj k’ehol eetal aj Nefita neke’rileb’ laj pleet aj Lamanita li yookeb’ chi alinak

A’b’an naq yookeb’ chi xik laj Lamanita, laj Moroni kixtaqlaheb’ li muqmuukil aj k’ehol eetal re xtaaqenkileb’.

Alma 43:23

Jalam-uuch

eb’ laj pleet aj Nefita neke’rab’i laj Alma

Toja’ naq laj Moroni kixtaqla jun esil re li profeet aj Alma. Kiraj naq laj Alma tixpatz’ re li Qaawa’ k’a’ru te’xb’aanu laj Lamanita. Li Qaawa’ kixye re laj Alma naq eb’ laj Lamania yookeb’ chi xik chixpleetinkil li ch’och’ Manti li ink’a’ jwal kaw rib’. Laj Moroni kirab’i laj Alma. Kixk’ameb’ lix teep aj pleet re xpleetinkileb’ laj Lamanita.

Alma 43:23–33

Jalam-uuch

eb’ laj pleet aj Lamanita ut aj Nefita neke’xpleeti rib’ chirib’ileb’ rib’

Ke’pleetik li teep aj pleet. Eb’ laj Lamanita kaweb’ xmetz’ew ut josq’eb’. Ke’ok chi xuwak laj Nefita xb’aaneb’ laj Lamanita ut ke’raj eelelik. A’b’an laj Moroni kixjultika reheb’ lix junkab’aleb’ ut lix paab’aaleb’, jo’kan naq ink’a’ ke’xkanab’ pleetik.

Alma 43:34–37, 43–48

Jalam-uuch

laj Moroni naxye’ li ruq’ re xk’eeb’al xraqik li pleetik

Eb’ laj Nefita ke’xtz’aama chiru li Qaawa’ naq tixtenq’aheb’. Li Qaawa’ kixsumeheb’ lix tij ut kixk’e nimla wankilal reheb’. Anajwan ke’ok chi xuwak laj Lamanita. Sutinb’ileb’ rix ut ink’a’ ke’ru chi eelelik. Naq laj Moroni kixk’e reetal naq neke’xuwak laj Lamanita, a’an kixye reheb’ lix teep aj pleet naq te’xkanab’ pleetik. Laj Moroni ink’a’ kiraj xkamsinkileb’ laj Lamanita.

Alma 43:49–53; 44:1–2

Jalam-uuch

laj Moroni na’aatinak rik’ineb’ laj Lamanita

Laj Moroni kixye re laj Tzerahemnah naq te’ruuq chi xik laj Lamanita wi te’xyeechi’i naq maajun wa chik te’xpleetiheb’ laj Nefita. Kijosq’o’ laj Tzerahemnah ut kixyal pleetik wi’chik, a’b’an ink’a’ kiru chi numtaak sa’ xb’eeneb’ lix teep aj pleet aj Moroni. Chirix a’an laj Tzerahemnah ut eb’ lix teep aj pleet ke’xyeechi’i naq te’wanq sa’ tuqtuukilal, ut laj Moroni kixkanab’eb’ chi xik.

Alma 44:1–20