Li Liahona ut li roq tzimaj toqol

Jalam-uuch

li junkab’al neke’chunla chixsutam li xam

Eb’ lix junkab’al laj Lehi ut laj Ismael ke’b’eek sa’ li yamyookil ch’och’ chiru k’iila chihab’. Li Qaawa’ kixk’ameb’ xb’e chiruheb’ li jar na’ajej re li ch’och’ li chaab’ileb’ wi’chik. Ke’yohok re xtawb’al xtzakemqeb’ sa’ li b’e. Ch’a’aj ut lix b’eenikeb’.

1 Nefi 16:14; 17:1, 4

Jalam-uuch

laj Lehi naril li saq’e naq yoo chi saqewk

Li Qaawa’ kixyeechi’i xk’amb’aleb’ xb’e li junkab’al toj sa’ jun chaab’il ch’och’ wi te’xpaab’eb’ li taqlahom. Eb’ a’an ink’a’ ke’xnaw chan ru te’xtaw li ch’och’, a’b’an a’an tixk’ameb’ xb’e.

1 Nefi 2:20; 10:13; 17:13–14

Jalam-uuch

laj Lehi naxchap li Liahona

Sa’ jun li eq’la, laj Lehi kisach xch’ool chirilb’al jun t’ort’ookil ch’iich’ bronce chirix lix muheb’aal t’ikr. Li t’ort’ookil ch’iich’ a’an li Liahona nayeeman re. Chi sa’ li Liahona, wan jun li kuux naxk’ut li b’e tento te’xik wi’. Wan naq ke’xtaw li raatin li Qaawa’ chi tz’iib’anb’il chiru li Liahona. Chi jo’ka’in naq li Qaawa’ kixb’eresiheb’.

1 Nefi 16:10, 16, 26–29; Alma 37:38

Jalam-uuch

laj Nefi rik’in li roq tzimaj toqol ut neke’wech’in laj Laman ut laj Lemuel

Jun li kutan naq laj Nefi yoo chi yohok, kitoqe’ li roq xtzimaj re kawil ch’iich’. Chi maak’a’ li roq tzimaj, eb’ li junkab’al ink’a’ ke’ru chixtawb’al xtzakemq. Ke’josq’o’ li ras laj Nefi rik’in a’an ut rik’in li Qaawa’.

1 Nefi 16:18–21

Jalam-uuch

laj Nefi naxchap li roq tzimaj toqol ut ra xch’ool laj Lehi

Jwal lub’luukeb’ ut tzʼokajenaqebʼ chixjunileb’. Ke’wan li keʼrahoʼ xch’ool ut ke’ok chi wech’ink. Ke’xuwak xb’aan naq maare te’kamq xb’aan xtz’okajikeb’. Laj Lehi ajwi’ kiwech’in chiru li Qaawa’.

1 Nefi 16:19–22, 35

Jalam-uuch

laj Nefi rik’ineb’ li k’anjeleb’aal

Laj Nefi kixyiib’ rik’in che’ jun roq tzimaj ut jun tzimaj. Kiwan xpaab’aal naq li Qaawa’ tixxtenq’a chixtawb’al li tzakemq.

1 Nefi 16:23

Jalam-uuch

laj Lehi ut laj Nefi neke’ril li Liahona

Laj Nefi kixpatz’ re laj Lehi b’ar taaxik re taayohoq. Laj Lehi kiraho’ xch’ool xb’aan naq kiwech’ok. Kixjal xk’a’uxl ut kixpatz’ xtenq’ li Qaawa’. Li Qaawa’ kixye re laj Lehi naq taaril li Liahona. Tz’iib’anb’il jun aatin chiru. Eb’ li junkab’al ke’xtzol naq li Liahona ka’ajwi’ nak’anjelak naq wankeb’ xpaab’aal chirix li Qaawa’ ut neke’xpaab’eb’ lix taqlahom.

1 Nefi 16:23–29

Jalam-uuch

lix junkab’al laj Lehi neke’ril laj Nefi naq naxk’am chaq li xul li kixyo

Chi jo’q’ehaq li Qaawa’ kixjal li aatin tz’iib’anb’il chiru li Liahona re xtenq’ankileb’ sa’ xb’eenikeb’. Li Liahona kixtenq’a laj Nefi chixnawb’al b’ar taaxik re taayohoq. A’an kixk’am chaq xtzakemqeb’, ut ke’saho’ xch’ool chixjunileb’. Ke’xjal xk’a’uxl ut ke’b’antioxin chiru li Qaawa’.

1 Nefi 16:28–32