Eb’ laj Anti-Nefi-Lehi

Jalam-uuch

laj Ammon naxtzoleb’ li tenamit rub’el jun li che’

Naab’aleb’ laj Lamanita ke’tzolok chirix li Dios rik’in laj Ammon ut eb’ li ras riitz’in. Eb’ laj Lamanita a’in kaweb’ xpaab’aal chirix li Qaawa’ ut ke’xpaab’eb’ lix taqlahom li Dios. Ke’raj jun ak’ k’ab’a’ej, jo’kan naq aj Anti-Nefi-Lehi ke’xye rib’ sa’ xna’aj aj Lamanita.

Alma 23:3–7, 16–17

Jalam-uuch

eb’ li junkab’al neke’rab’i li raatin laj Ammon naq yoo chi k’utuk

Eb’ laj Anti-Nefi-Lehi ke’jala xb’aan naq ke’wan xpaab’aal chirix li Dios. Ke’xjal xk’a’uxl chirix li maa’usilal ke’xb’aanu chaq. Ke’xnaw naq li Dios naxraheb’ ut naxkuyeb’ xmaak.

Alma 24:8–14

Jalam-uuch

eb’ laj Anti-Nefi-Lehi neke’xkut lix k’anjeleb’aal re pleet sa’ jun li jul

Ke’josq’o’ laj Lamanita ut ke’xkawresi rib’ re xpleetinkileb’ laj Anti-Nefi-Lehi. Sa’ xna’aj li pleetik, eb’ laj Anti-Nefi-Lehi ke’ok sa’ aatin chiru li Dios. Ke’xye naq maajo’q’e chik te’xrahob’tesiheb’ li ras riitz’in. Re xk’utb’al xyaalal a’an, ke’xmuqeb’ lix k’anjeleb’aal re pleet rub’el ch’och’. Ke’xsik’ ru xraab’aleb’ li xik’ neke’ilok reheb’ sa’ xna’aj xrahob’tesinkileb’ malaj xkamsinkileb’.

Alma 24:1–19; 26:31–34

Jalam-uuch

jun li josq’ aj Lamanita naxchap lix k’anjeleb’aal re pleet

Eb’ laj Lamanita li ink’a’ ke’xpaab’ li Dios ke’ok chixpleetinkileb’ laj Anti-Nefi-Lehi.

Alma 24:20

Jalam-uuch

wiib’ laj Anti-Nefi-Lehi neke’wiq’la re tijok

Laj Anti-Nefi-Lehi ke’xpaab’ naq wi te’kamsiiq, te’wanq rik’in li Dios. Ke’roxloq’i li k’a’ru xyeechi’ihomeb’ re li Dios ut ink’a’ ke’xpleetiheb’ laj Lamanita.

Alma 24:16, 21

Jalam-uuch

eb’ laj Lamanita neke’xkanab’ pleetik

Sa’ xna’aj pleetik, eb’ laj Anti-Nefi-Lehi ke’ok chi tijok. Naq eb’ laj Lamanita ke’ril a’in, naab’aleb’ ke’xkanab’ pleetik. Ke’raho’ xch’ool naq ke’xkamsiheb’ naab’al. Eb’ laj Lamanita a’in ke’xsik’ ajwi’ ru naq maajo’q’e chik te’xrahob’tesiheb’ li ras riitz’in. Ke’xjunaji rib’ rik’ineb’ laj Anti-Nefi-Lehi.

Alma 24:21–27; 25:13–16

Jalam-uuch

neke’b’eek laj Ammon ut eb’ laj Anti-Nefi-Lehi

Moqon, ke’wan chik li tenamit li ke’chal chixpleetinkileb’. Laj Ammon ut eb’ li ras riitz’in ke’raho’ xch’ool naq neke’rahob’tesiik laj Anti-Nefi-Lehi. Ke’xpatz’ re li rey naq tixk’ameb’ lix tenamit re te’wanq rik’ineb’ laj Nefita. Li rey kixye naq te’xik wi’ li Qaawa’ taaraj naq te’xik. Laj Ammon kitijok. Li Qaawa’ kixye naq tento te’xik ut naq a’an tixkoleb’ rix.

Alma 27:2–15

Jalam-uuch

eb’ laj Nefita neke’xk’uleb’ li tenamit aj Anti-Nefi-Lehi

Eb’ laj Nefita ke’xq’axtesi reheb’ laj Anti-Nefi-Lehi jun raqal li ch’och’ b’ar wi’ te’wanq ut ke’xkoleb’ rix. Jo’ reeqaj a’an, eb’ laj Anti-Nefi-Lehi ke’xk’e li tzakemq reheb’ laj Nefita. K’a’jo’ xnimal xpaab’aaleb’ laj Anti-Nefi-Lehi ut ke’xra li Dios. Maak’a’ xb’alaq’eb’ ut ke’xpaab’ li k’a’ru xyeechi’ihomeb’ naq maajo’q’e chik te’pleetiq. Ke’wan chi tiik chi paab’ank chiru chixjunil lix yu’ameb’.

Alma 27:20–30