Laj Alma li alalb’ej

Jalam-uuch

laj Mosiah ut laj Alma li yuwa’b’ej

Li rey aj Mosiah kixk’e xwankil laj Alma re xb’eresinkil li Iglees aran Tzarahemla. Laj Alma kixk’ut chiru li tenamit naq te’xjal xk’a’uxl ut te’xpaab’ li Qaawa’.

Mosiah 25:19–24; 26

Jalam-uuch

laj Alma li alalb’ej

Li ralal laj Alma, a’an ajwi’ laj Alma xk’ab’a’. Laj Alma li alalb’ej ink’a’ kixpaab’ lix k’utum lix yuwa’.

Mosiah 27:8

Jalam-uuch

laj Alma li alalb’ej ut eb’ li ralal laj Mosiah neke’aatinak rik’in li tenamit

Jo’kan ajwi’, eb’ li ralal laj Mosiah ink’a’ ke’xpaab’ li Qaawa’. A’aneb’ ramiiw laj Alma li alalb’ej. Chixjunileb’ ke’raj naq te’elq chaq li tenamit sa’ li Iglees. Laj Alma ut eb’ li ralal laj Mosiah kixjalb’ehiheb’ li tenamit chixb’aanunkil li k’a’ru naq’etok reheb’ lix taqlahom li Dios.

Mosiah 27:9–10; Alma 36:6

Jalam-uuch

laj Alma li alalb’ej ut eb’ li ralal laj Mosiah neke’xuwak xb’aan jun li anjel

Sa’ jun li kutan, li Qaawa’ kixtaqla jun anjel re xramb’aleb’. Li anjel kixye reheb’ naq ink’a’ te’xyal xq’e chixsachb’al li Iglees. K’a’jo’ naq ke’xuwak laj Alma ut eb’ li ralal laj Mosiah, jo’kan naq ke’t’ane’ chi ch’och’.

Mosiah 27:11–18; Alma 36:6–9

Jalam-uuch

laj Alma li alalb’ej naraho’

Laj Alma ink’a’ kiru chi aatinak chi moko eek’ank chiru xnumik oxib’ kutan ut oxib’ q’ojyin. Kinumta xrahil xch’ool xb’aan chixjunil li ink’a’ us xb’aanuhom chaq. Kiwan ajwi’ xk’a’uxl xb’aan naq kixjalb’ehiheb’ k’iila tenamit chiru li Qaawa’.

Mosiah 27:19; Alma 36:10–16

Jalam-uuch

wiq’wo laj Alma li alalb’ej

Kinumta xrahil laj Alma xb’aaneb’ lix maak. Toja’ naq kijultiko’ re li raatin lix yuwa’ chirix li Jesukristo, li Ralal li Dios.

Alma 36:17

Jalam-uuch

sa xch’ool laj Alma li alalb’ej

Laj Alma kixtz’aama sa’ tij naq li Jesus tixkuy xmaak. Chirix naq kitijok, ink’a’ chik najultiko’ lix rahilal re. Kixnaw naq ak kuyb’il chik xmaak xb’aan li Qaawa’. Ink’a’ chik kiraho’ xch’ool xb’aaneb’ lix maak. Kisaho’ b’an xch’ool laj Alma.

Mosiah 27:24, 28–29; Alma 36:18–22

Jalam-uuch

laj Alma li alalb’ej ut eb’ li ralal laj Mosiah neke’xtenq’a jun kristiaan

Kikawu laj Alma. A’an ut eb’ li ralal laj Mosiah ke’xsik’ ru xjalb’aleb’ xk’a’uxl ut xtuqub’ankil chixjunil li rahilal ke’xyoob’. Ke’k’anjelak chiru li Qaawa’ chalen chaq a’an rik’in xtenq’ankileb’ li tenamit chixjalb’aleb’ xk’a’uxl. Ke’b’eek chiru li rawa’b’ejihom laj Mosiah ut ke’tzoleb’ li tenamit chirix li Jesus.

Mosiah 27:20–24, 32–37; Alma 36:23–26

Jalam-uuch

eb’ li ralal laj Mosiah neke’xik

Laj Alma ut eb’ li ralal laj Mosiah ke’raj xwotzb’al li sahil ch’oolejil kixk’e lix k’utum li Jesus sa’ xyu’ameb’. Ke’k’anjelak chi kaw chiru li Qaawa’ ut chiruheb’ li ras riitz’in. Eb’ li ralal laj Mosiah ke’xsik’ ru xik chixtzolb’aleb’ laj Lamanita chirix li Jesus. Laj Alma kixsik’ ru kanaak ut xtzolb’aleb’ laj Nefita.

Mosiah 27:32–37; 28:1–10; 29:42–43