Seksen 54
Revelesen we Lod i givim, tru long Profet Josef Smit, i go long Niuwel Naet, long Ketlan, Ohaeo, long 10 Jun 1831. Ol memba blong Jos we oli stap laef long Tompson, Ohaeo, oli seraot long saed blong sam kwestin we i go wetem konsekresen (fasin blong givimaot) blong ol propeti. Fasin blong selfis mo griri i kamaot. Afta long misin blong hem long Ol Seka (luk long heding blong seksen 49), Leman Kopli i bin brekem kavenan blong hem blong konsekretem bigfala plantesen blong hem olsem wan ples blong givim long olgeta Sent we oli aot long Kolesvil, Niu Yok mo go long Tompson. From hemia, Niuwel Naet (lida blong ol memba we oli stap laef long Tompson) mo ol nara elda oli kam long Profet blong askem olsem wanem blong gohed. Profet i bin askem long Lod mo hem i bin kasem revelesen ia we i givim oda long ol memba blong Tompson blong aot long fam blong Leman Kopli mo go long Misuri.
1–6, Olgeta Sent oli mas gohed blong obei long kavenan blong gospel blong kasem sore; 7–10, Oli mas gat fasin blong save wet longtaem long taem blong hadtaem.
1 Luk, olsem ia nao Lod i talem, hem we i aAlfa mo Omega, stat mo en, mo tu, hem we oli bin bnilim hem long kros from ol sin blong wol—
2 Luk, i tru, i tru, mi talem long yu, wokman blong mi, Niuwel Naet, bae yu mas stanap strong long ofis we mi bin putum yu long hem.
3 Mo sapos ol brata blong yu oli wantem ronwe long ol enemi blong olgeta, oli mas sakem evri sin blong olgeta, mo oli mas kam blong rili aputum tingting blong olgeta i stap daon long fes blong mi, mo oli rili mas sakem sin.
4 Mo from we akavenan we oli bin mekem wetem mi, oli bin brekem, i minim se, hem i nomo blaef mo i nomo wok.
5 Mo sore tumas long hem we i mekem arong ia, from bae i moa gud long hem se oli draonem hem long dip ples long solwota.
6 Be mi blesem olgeta we oli bin kipim kavenan mo obei komanmen ia, from we bae oli kasem asore.
7 Taswe, yufala i go naoia mo yufala i ronwe long graon ia, nogud ol enemi blong yufala oli foldaon long yufala; mo tekem rod blong yufala, mo jusum huia bae i kam lida blong yufala, mo i pem ol samting blong yufala.
8 Mo olsem ia nao bae yufala i tekem rod blong yufala i go long ol eria long Wes, i go kasem graon blong aMisuri, kasem ol boda blong Ol Man blong Leman.
9 Mo afta we yufala i finis long rod blong yufala, luk, mi talem long yufala, yufala i mas gat wan alaef we i sapotem wanwan long yufala, kasem taem we mi mekem wan ples i rere blong yufala.
10 Mo bakegen, yufala i mas gat afasin blong wet longtaem long hadtaem kasem taem we mi bkam; mo luk, mi kam kwiktaem, mo praes blong mi we bae mi givim i stap wetem mi, mo olgeta we oli bin dlukaotem mi fastaem, bambae sol blong olgeta i espel. I olsem. Amen.