Seksen 57
Revelesen we Lod i givim tru long Profet Josef Smit, long Saeon, Jakson Kaonti, Misuri, long 20 Julae 1831. Blong folem oda blong Lod blong oli aot i go long Misuri, ples we bae Hem i soemaot “graon ia we bae ol memba blong jos oli kasem, we oli gat raet long hem.” (seksen 52), ol elda oli mas aot long Ohaeo i go long Wes boda long Misuri. Josef Smit i lukluk situesen blong Ol Man blong Leman mo i askem hemwan: “?Wetaem nao waelples bambae i opengud olsem ros flaoa? ?Wetaem nao bae Saeon i stanap long glori blong hem, mo weaples nao Tempol blong Yu, Papa, bae i stanap long hem, we bambae evri kantri oli kam long hem long ol las dei?” Afta long hemia, hem i bin kasem revelesen ia.
1–3, Indipendens, Misuri, i ples blong Siti blong Saeon, mo tempol; 4–7, Olgeta Sent oli mas pem ol graon mo kasem wanem we oli gat raet long hem long eria ia; 8–16, Sidni Gilbet i mas setemap wan stoa, Wiliam W. Felps i mas stap olsem wan man blong printim buk, mo Oliva Kaodri i mas editim ol buk blong pablisim.
1 Lisin gud, O yufala, ol elda blong jos blong mi, Lod God blong yufala i talem, we yufala i bin kam wanples tugeta, folem ol komanmen blong mi, long graon ia, we i graon blong aMisuri, we i bgraon we mi bin jusum mo dkonsekretem blong olgeta sent oli ekam tugeta wanples long hem.
2 Taswe, hemia i graon blong promes, mo i aples blong siti blong bSaeon.
3 Mo olsem ia nao, Lod God blong yufala i talem, sapos yufala i wantem kasem waes toktok, hemia i waes toktok. Luk, ples ia we oli singaotem naoia Indipendens, i ples we i stap long senta; mo wan ples blong atempol i stap long Wes saed, long wan pat blong graon we i no stap longwe long kothaos.
4 Taswe, hem i waes tingting blong mi se graon ia, bambae olgeta sent oli mas apemaot, mo tu, evri pat blong graon we i stap long Wes saed, i go kasem laen we i ron i seperetem Ol bJiu mo Ol Jentael;
5 Mo tu, evri pat blong graon we i stap long boda we gras i gro raon long hem, folem hamas we ol disaepol blong mi oli save apem ol graon ia. Luk, hemia i waes toktok, blong oli save bkasem graon ia blong yufala i gat raet long hem blong taem we i no gat en.
6 Mo wokman blong mi, Sidni Gilbet i mas stanap long ofis we mi bin putum hem long hem, blong hem i kasem ol mane, blong hem i wan aripresentativ long jos, blong pem graon long evri eria raonabaot, folem hamas we oli save mekem folem stret mo gud fasin, mo olsem we waes tingting i lidim hem.
7 Mo wokman blong mi, aEdwod Patrij i mas stanap long ofis we mi bin putum hem long hem, mo i bserem, long olgeta sent, wanem we oli gat raet long hem, olsem we mi bin komandem; mo tu, blong olgeta we hem i bin putum olgeta blong oli helpem hem.
8 Mo bakegen, i tru mi talem long yufala, wokman blong mi Sidni Gilbet i mas setemap hemwan long ples ia, mo i setemap wan stoa, blong hem i save salem ol samting be i no folem ol kruked rod, blong hem i save kasem mane blong pem ol graon blong gud blong olgeta Sent, mo blong hem i save kasem ol narafala samting we ol disaepol oli nidim blong setemap olgeta long ples we oli gat raet long hem.
9 Mo tu, wokman blong mi, Sidni Gilbet i mas kasem wan laesens—luk, hemia i waes toktok, mo huia bae i ridim, bambae i mas andastanem—blong hem i save sendem ol samting tu long ol pipol, tru long huia we hem i wantem, we oli ol klak we bambae hem i pem olgeta blong wok blong hem;
10 Mo olsem ia, bambae hem i lukluk long ol sent blong mi, blong oli save prijim gospel blong mi long olgeta we oli sidaon long atudak mo long eria ia mo long bsado blong ded.
11 Mo bakegen, i tru mi talem long yufala, wokman blong mi, aWiliam W. Felps i mas setemap hem long ples ia, mo oli mas setemap hem olsem wan bman blong printim buk blong jos.
12 Mo luk gud, sapos wol i akseptem ol raeting ia—luk, hemia i waes toktok—hem i mas kasem wanem hem i save kasem long stret mo gud fasin, blong gud blong olgeta sent.
13 Mo wokman blong mi, aOliva Kaodri i mas givhan long hem, olsem we mi bin komandem hem, long eni ples we bae mi putum hem long hem, blong hem i mekem kopi, mo blong hem i stretem, mo blong hem i jusum ol raeting, blong evri samting i stret long fes blong mi, olsem we Spirit bae i pruvum tru long hem.
14 Mo olsem ia nao, olgeta we mi bin tokbaot finis, oli mas setemap olgeta long graon blong Saeon, kwiktaem olsem we oli save mekem, wetem ol famli blong olgeta, blong mekem olgeta samting ia olsem we mi bin talem.
15 Mo naoia, long saed blong kam tugeta—bisop mo ripresentativ i mas mekem ol samting oli rere blong olgeta famli ia we oli bin kasem komanmen blong kam long graon ia, kwiktaem olsem we oli save mekem, mo setemap olgeta long ples we oli gat raet long hem.
16 Mo long saed blong ol narafala elda mo ol narafala memba we oli stap, bambae mi givim moa toksave long wanem blong mekem afta. I olsem. Amen.